Aizaaya 37:3 - EBƆRƐ BE KAWƆL

³ Kubɔya nɛ ewura Hɛzekaya ta n shuŋi bumo nɛ b ba sa ma nde: “Kabre la awurfoŋ be kachɛ nna n sa anyi, ŋkpal loŋ so an wɔ kasogberge nɛ ŋaba to nna. An du fanɛ eche nɛ e bee kurge a gben nsaa maŋ naa kɔ eleŋ nɛ e kaŋto ŋ kurge nna.

Aizaaya 37:3 ပူးပေါင်းရင်းမြစ်များ

2 Bewura 19:3

Kubɔya nɛ ewura Hɛzekaya ta n shuŋi bumo fanɛ b ya sa anebi Aizaaya nde: “Kabre la awurfoŋ be kachɛ nna n sa anyi, an wɔ kasogberge nɛ ŋaba to nna. An du fanɛ eche nɛ e bee kurge nsaa maŋ naa kɔ eleŋ nɛ e kento ŋ kurge nna.

2 Kronikɛls 15:4

Ama saŋkama nɛ b luri tɔrɔ to baa fin Enyɛnpe Israɛl be Ebɔrɛ na nna nsaa wu mo.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Nshɛ 95:8

men sa maŋ wora menyi be ŋgbene kpakpa, fanɛ kananɛ men nanaana daŋ wora ashi mboŋ nɛ baa tre Mɛriba nɛ Maasa ashi keshishɛrsawule so na.

Aizaaya 22:5

Le be jemanɛ ere la keyeŋiyeŋi nɛ kekɔ n tɔr nɛ kebagato be saŋɛ nna ashi Ebɔrɛdare be Ketaŋɛ na to. Enyɛnpetale Ebɔrɛ na malɛ e bar kumo anyi so. Anyi be kadegboŋ na be egbalana nɛ b da n lɛ nɛ ekama bee shu a fin kechɛto ashi abee so.

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 29:2

Ama Ebɔrɛ beeŋ shin nɛ jɛrbi e ba kadegboŋ nɛ baa tre “Ebɔrɛ be bɔrɛsure” na so. Kagbenejija nɛ kushu beeŋ baa wɔ kadegboŋ na to nɛ k ki fanɛ bɔrɛsure nɛ ŋklaŋ gbiti kumo kikɛ na.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Aizaaya 66:7

Men daŋ nu fanɛ eche bee kurge nna pɔɛŋ nsaa nu kakurge be ebesa a?

Aizaaya 66:9

Kumo be kaman nɛ Enyɛnpe Ebɔrɛ na naŋ kaŋɛ: “Men sa maa fɛ fanɛ meeŋ shin nɛ ma basa be kakurgeachɛ e fo nɛ m maaŋ shin nɛ b tiŋ ŋ kurge bumo.”

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Hoziya 13:13

Israɛl kraa kɔ ekpa nɛ e ji efute, ama e ki fanɛ kebia wulpo nɛ mbe kakurge fo nɛ e kini k lar nna.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Hoziya 5:9

Kasogberge bee ba, loŋ malɛ be kachɛ na nɛ Israɛl be basa beeŋ mur cheche. Israɛlebi, kesheŋ ere beeŋ wora kashenteŋto!

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.