Aizaaya 37:2 - EBƆRƐ BE KAWƆL

² Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.

Aizaaya 37:2 ပူးပေါင်းရင်းမြစ်များ

2 Bewura 18:18

Ndoŋ nɛ b yili n shuŋi ŋ kaŋɛ ewura Hɛzekaya fanɛ baa sha kemalga mo nɛ mbe benimu asa ko kutɔ. Bumo e daa la Eliakim nɛ e la Hilkiya pibinyɛn nseŋ daa la esa nɛ e bɛ ewura so na, nɛ Shɛbna nɛ e la ewura be esibɛpo na, nɛ Jowa nɛ e la Asaf pibinyɛn nseŋ daa la esa nɛ e bee keni ewurkpa be asheŋ nɛ b sibɛ n nase so na.

2 Bewura 19:2

Kumo be kaman nɛ e shuŋi Eliakim nɛ e bee keni ewurkpa so na nɛ Shɛbna nɛ e la ewura be esibɛpo nɛ bɔrɛmatapo nimusoana anebi Aizaaya nɛ e la Amɔz pibinyɛn na kutɔ. Bumo alɛ gba daŋ buu kagbenejijaso be asɔbuuso nna m ba.

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Ɛsta 4:1

Mɔdikaya ka nu kusɔ nɛ ewura na wora na, nɛ e kpɛa mbe asɔbuuso to kagbenejijaso, nseŋ ta kagbenejijaso be kusɔbuuso m buu n wora nsunɔ n wurge mbe kumu so nsaa shu awɔrso ebesa so a na a kulti kade na to,

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 20:2

Nfɛ asa pɔɛŋ nɛ loŋ wora na, Enyɛnpe Ebɔrɛ na daŋ kaŋɛ Aizaaya nɛ e la Amɔz pibinyɛn na nna fanɛ e gbaŋ mbe asɛbta nɛ keeli be kusɔbuuso nɛ e daŋ buu na n nase. Ndoŋ nna nɛ e wora kasonu nseŋ gbaŋ amo kikɛ n nase nseŋ delge so a nite aya fuloŋ.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 22:15

Ade kikɛ be kaman nɛ Enyɛnpetale Ebɔrɛ na kaŋɛ ma fanɛ n yɔ kanyɛn nɛ baa tre Shebna nɛ e la ewurkpa be nyɛrbi na kikɛ be enimu na kutɔ n ya kaŋɛ mo le:

Aizaaya 22:20

Ade be kaman nɛ Enyɛnpe Ebɔrɛ na kaŋɛ Shebna le: “Nɛ loŋ kaŋ wora malɛ, meeŋ shin nɛ ma kayɛrbi Eliakim nɛ e la Hilkiya pibinyɛn e ba,

Aizaaya 36:3

Ndoŋ nna nɛ Juda be benimu asa ko lar n ya shɛr mo to. Bumo e daa la Eliakim nɛ e la Hilkiya pibinyɛn nseŋ daa la esa nɛ e bɛ ewura so na, nɛ Shɛbna nɛ e la ewura be esibɛpo na, nɛ Jowa nɛ e la Asaf pibinyɛn nseŋ daa la esa nɛ e bee keni ewurkpa be asheŋ nɛ b sibɛ n nase so na.

Aizaaya 37:14

Ewura Hɛzekaya ka sɔ kawɔlbi na ashi mbɔ na kutɔ nɛ e kraŋ kumo nseŋ ta kumo n yɔ bɔrɛlambu na to n ya bugi kumo to n nase Enyɛnpe Ebɔrɛ na be anishito.

Aizaaya 37:21

Ndoŋ nna nɛ ma anebi Aizaaya ta kubɔya ere n shuŋi n ya sa ewura Hɛzekaya a kaŋɛ mo kusɔ

Aizaaya 38:1

Le be jemanɛ ere nɛ kulɔ ko pɛ ewura Hɛzekaya nɛ a daŋ ka gbrɛ nɛ e wu. Ndoŋ nna nɛ anebi Aizaaya nɛ e la Amɔz pibinyɛn na yɔ nɛ e ya bɔ mo so nseŋ kaŋɛ mo le: “Enyɛnpe Ebɔrɛ yɛ fo bela ase n lɔŋɛ fo kusɔ kama n yili nɛnɛ, ŋkpal manɛ so, fo maaŋ naŋ nya alenfia. Bela ase a jo luwu.”

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.