Aizaaya 32:9 - EBƆRƐ BE KAWƆL

⁹ Menyi beche nɛ men wɔtɔ a maa wora shɛŋ nsaa ji kananɛ menyee sha fanɛ kusɔ ko ka maŋ tir menyi na, e kaŋ asoe n nu kusɔ nɛ mee kaŋɛ ere.

Aizaaya 32:9 ပူးပေါင်းရင်းမြစ်များ

Nshɛ 123:4

Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.

Aizaaya 28:23

Men nu kusɔ mee malga ere nseŋ wɔtɔ lakal kusɔ nɛ mee kaŋɛ menyi ere to.

Aizaaya 3:16

Kede be kaman, nɛ Enyɛnpe Ebɔrɛ na naŋ kaŋɛ le: “Keni kananɛ Jerusalɛm to be beche bee wu bumo be amu loŋ! Baa nite boeŋ boeŋ nna a keni a fin fanɛ benyɛn e baa wu bumo nsaa yɛlga bumo jemanɛ kikɛ. Baa nite nna nɛ bumo be anampase bee gbri.

Jɛremaya 9:19

Naniere, le nɛ anyi nɛ an wɔ Zayɔn na bee shu a kaŋɛ: “An mur nna na! An ji nyɔmɔ pasaa! Anyi be nwu kikɛ mur, nɛ a daga fanɛ an lar anyi gbagba be kasawule so.”

Jɛremaya 9:20

Ndoŋ nna nɛ ŋ kaŋɛ le: “Beche, men nu kusɔ nɛ Enyɛnpe Ebɔrɛ bee kaŋɛ, nseŋ laŋɛ menyi be lakal m ba mbe mmalga na so. Men ŋini menyi be bibiche kananɛ baa shu nli a karga, nɛ men teriana kananɛ baa boŋ awɔba.

Nfabel 4:5

Basa nɛ b daa ji ajibi lela nɛ amo be yawu du kpakpa ga na nɛ akoŋ bee mɔ a lɛ agbembi so na. Bumo nɛ b daa ji kedamaya na, e naa amuni so a fin ajibi jiso na.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Matiu 13:9

Keŋasa ere be kaman nɛ Yesu kaŋɛ: “To, fo nɛ fo kɔ asoe, fo nu.”

Ditɛronɔmi 28:56

Loŋ be jemanɛ na, menyi to be eche nɛ e du boeŋ nsaa la damawura nɛ e maŋ naŋ lar n nite aya so n yɔ kaboŋ ko ŋ ku so gba beeŋ ba kaa yɛla kenishi to a fin ajibi, hale n ya ŋana n ta mbe kebia popɔrbi nɛ kekurgesha kikɛ n we. E maaŋ sa mo kul nɛ e bee sha ga na gba ŋko mbe mbia nɛ b ka na be ekama.

Demujipoana 9:7

Jotam ka nu kumo be asheŋ nɛ e dii n yɔ kebee nɛ baa tre Gɛrizim na be awɔlto nseŋ ponte awɔrso ŋ kaŋɛ le: “Shɛkɛmebi, men nu n sa ma, saŋɛ na so nɛ Ebɔrɛ e nu n sa menyi!”