Aizaaya 32:18 - EBƆRƐ BE KAWƆL

^18-19 Hale nɛ bɔrɛ ba nɛ abɔrɛjembubi tɔr kupo to be ndibi so nɛ basa be kananɛ baa puchi bumo be ndegboŋana so duga so gba, Ebɔrɛ be basa bre maaŋ baa wɔ kafɔŋ to. Kayurwushi beeŋ baa wɔ bumo be elaŋana to nɛ b maaŋ naa ŋana kufu.

Aizaaya 32:18 ပူးပေါင်းရင်းမြစ်များ

Nshɛ 107:7

Kumo be kaman nɛ e juŋkpar menyi tinini m ba chena kadegboŋ na to.

Ɛksodɔs 9:26

Kakpa nɛ Israɛlebi na daa wɔ nɛ baa tre ndoŋ Goshen na nawule nɛ abɔrɛjembubi be bɔrɛgboŋ na daa maŋ yɔ.

Aŋasa 24:15

Sa maa kɔ kumu kpakpaso fanɛ belubiworapo nɛ baa yuri basa lela be asɔ, ŋko a suge bumo be nwu na.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 14:3

Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 26:12

Enyɛnpe Ebɔrɛ, fo e naaŋ sa anyi kedamaya nɛ kayurwushi, ŋkpal manɛ so, kusɔ kama nɛ anyee wora, fo eleŋ to nɛ anyee tiŋ a wora kumo.

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Aizaaya 28:12

E bee sha kesa menyi kikɛ ewushi nɛ kayurwushi nna, ama men kini kenu n sa mo.

Aizaaya 30:15

Kumo be kaman nɛ Enyɛnpetale, Israɛl be Ebɔrɛ cheembi na kaŋɛ basa na le: “Men bɛta m ba kaa yirda ma nsaa du boeŋ. Aloŋ nɛ menyeeŋ nya eleŋ nɛ kekuŋgboŋ.” Ama men kini kewora loŋ!

Aizaaya 33:6

Mo nɛ anyee fute a yige so, ŋkpal e kaa bee mɔlga mbe basa jemanɛ kikɛ nsaa sa bumo kanyiasheŋ nɛ kashennyi damta so. Kebaaŋana Enyɛnpe Ebɔrɛ nsaa nu a sa mo nɛ baaŋ baa sha kewora ga a chɔ kusɔ kikɛ.

Aizaaya 65:21

Basa beeŋ pɔr nwu n chena amo to bumo gbagba, mannɛ esa pɔtɛ e naaŋ chena amo to. Bumo alɛ beeŋ dɔ ndibi sɔrso be adɔ nseŋ nya amo be asɔrso be yabra n nu nɛ mannɛ basa pɔtɛ e naaŋ nu amo. Ma basa beeŋ chena n chɛr fanɛ ndibi. Baaŋ ji bumo be kegben be tɔnɔ nɛnɛ ga.

Aizaaya 65:9

Meeŋ nɛfa Israɛl nɛ Juda be basa nseŋ shin nɛ ma kasawule nɛ k kɔ abee na e ki bumo be kaman to ebi peya. Saŋɛ na so ma basa laraso nɛ baa shuŋ ma na beeŋ chena kumo so.

Jɛremaya 33:16

Juda nɛ Jerusalɛm be basa beeŋ nya kumɔlga nsaa wɔ kayurwushi be kebaawɔtɔ to. Saŋɛ na so nɛ b baa tre Jerusalɛm le: ‘Enyɛnpe Ebɔrɛ na e la anyi be Kumɔlga.’

Ezikɛl 34:28

Loŋ be jemanɛ so, efuli pɔtɛana maaŋ naŋ tiŋ m ba kɔ n suge bumo be asɔbɔya, nɛ kupuŋ to be asɔ lubi gba maaŋ naŋ pɛ bumo n ji. Baaŋ chena kayurwushi so nna nɛ esa kama maa naa funti bumo.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Zakareya 2:8

Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Zakareya 3:10

Kachɛ na kaŋ fo ekama beeŋ kela n tre mo kurgepoana nɛ b ba chena n ji kekurge kagbenewushiso ashi bumo be ndibi sɔrso be afito.

Hibruwebi 4:9

Amoso, k bee ŋini fanɛ kewushi ko nɛ kachɛ shunusopo peya na kraa jo Ebɔrɛ be basa nna na.

1 Jɔn 4:16

Anyi alɛ gba ba pin nseŋ yirda kasha mo nɛ Ebɔrɛ kɔ a sa anyi na. Ebɔrɛ e la kashawura. Ekama malɛ nɛ e wɔ kasha be kebaawɔtɔ to, wɔ Ebɔrɛ to nna na nɛ Ebɔrɛ malɛ gba wɔ amodoŋwura to.