Aizaaya 32:16 - EBƆRƐ BE KAWƆL

¹⁶ Saŋɛ na basa beeŋ baa kɔ kashenteŋji nsaa wora asheŋ nɛ a niŋi nsaa ji asheŋ nɛ amo be ekpa so ashi kasawule na be kaplɛkama.

Aizaaya 32:16 ပူးပေါင်းရင်းမြစ်များ

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 28:6

Enyɛnpe Ebɔrɛ na beeŋ sa demujipoana kashenteŋji be nfɛra nseŋ sa kadegboŋ na be mbuna kenipoana kenyɛn be kagbene nɛ b baa tiŋ a kuŋ kadegboŋ na.

Aizaaya 33:5

Enyɛnpe Ebɔrɛ na e chɔ esa kikɛ nsaa ji kuwura kusɔ kama so. E beeŋ shin nɛ kashenteŋji nɛ asheŋ niŋiso be kebaawora e bɔlɔ Jerusalɛm to.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 42:11

Menyi basa nɛ men wɔ keshishɛrsawule so nɛ nde nɛ a wɔ kumo so na kikɛ e kpaŋ Ebɔrɛ; nɛ basa nɛ b wɔ kakpa nɛ baa tre Kɛda na gba e kpaŋ mo! Men shin nɛ basa nɛ b wɔ kadegboŋ nɛ baa tre Sela na e yili abee be awɔlto n wora awɔr kagbene fuli so!

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 48:18

K daa beeŋ par ma ga fanɛ men ka beeŋ bɛ kusɔ nɛ n yili n sa menyi so! Aloŋ daa beeŋ shin nɛ men nya nɛfa fanɛ kananɛ kabombi bee nya nchu nsaa maa wɔlto na. Men daa beeŋ baa kɔ a pɔɔ so fanɛ kananɛ ketili bee ku teku so a ba kedeŋi so na.

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Jɛremaya 31:23

Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.