Aizaaya 32:11 - EBƆRƐ BE KAWƆL

¹¹ Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Aizaaya 32:11 ပူးပေါင်းရင်းမြစ်များ

Nshɛ 123:4

Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.

Ɛksodɔs 33:4

Basa na ka nu loŋ be baru lubi na nɛ b fara a shu keeli nsaa lara bumo be shuwa be abitasɔ nɛ b daŋ wɔtɔ na a lɛ.

Aizaaya 15:3

Basa nɛ b daa nite agbembi so na daŋ buu nli be asɔbuuso a ŋini bumo be ŋgbenejija nna, nɛ beko malɛ daa wɔ achoŋi nɛ alɔnɛ so a shu.

Aizaaya 2:19

Jemanɛ nɛ Enyɛnpe Ebɔrɛ na beeŋ shin nɛ durnya e gbuŋgbuŋ na, basa beeŋ shile n ya ŋana abeelaŋ to, ŋko n ya kur kasawule n luri to ŋ ŋana, a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

Aizaaya 2:21

Enyɛnpe Ebɔrɛ na kaŋ ba nɛ e ba gbuŋgbuŋ kasawule na, basa beeŋ shile n ya ŋana amaŋ nɛ abeelaŋ to a fin keŋana Enyɛnpe Ebɔrɛ na be agbo nɛ eleŋgboŋ nɛ kemaŋkura so.

Aizaaya 20:4

Asiriya be ewurgboŋ na beeŋ delge basa nɛ e beeŋ pɛ kena to ashi efuli anyɔ na so n shin nɛ b nite aya fuloŋ n yɔ kenyaya to. Mbifɔlbi nɛ benimu kikɛ nɛ e beeŋ delge so n shin nɛ bumo be aperbi e baa dese, nɛ Ijiptebi e ŋaba.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 47:8

Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Jɛremaya 49:3

Menyi basa nɛ men wɔ Hɛshbɔn be kade to na beeŋ shu awɔrso. Kade nɛ baa tre Ai na beeŋ mur! Rabba be beche, menyeeŋ ta nli be asɔbuuso m buu a shu keeli! Ekama beeŋ wulto a shile a kulti kaplɛkama. Baaŋ ta menyi be kegbir, Mɔlɛk nseŋ pɛ agbirwuraana nɛ kegbir ase be benimuana na tintiŋ so n yɔ efuli pɔtɛ wɔfɔ so.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Hoziya 2:3

Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na. Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ. Achukoŋ malɛ e naŋ mɔ mo.

Jowɛl 1:8

Men baa shu ebesa so fanɛ kasuŋgurbia nɛ mo jipo nɛ e bee shin nɛ e ta mo ka wu ŋ ka mo nɛ e tase kagbenejijaso a shu keeli na.

Eemɔs 4:12

Amoso meeŋ gberge menyi Israɛlebi kusoe. Men wora shiriya a jo ma demuji.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.