Aizaaya 32:10 - EBƆRƐ BE KAWƆL

¹⁰ Ashere shɛŋ maŋ tir menyi naniere, ama ta a ba kafɛ a ba saŋɛ ere so kagbenejija damta beeŋ tɔr menyi so. Ŋkpal manɛ so, ndibi be asɔrso maaŋ sɔr nɛ b nya n wora yabra n sa menyi nɛ men baa nuu.

Aizaaya 32:10 ပူးပေါင်းရင်းမြစ်များ

Aizaaya 16:10

Esa kama b kagbene maŋ fuli ŋkpal nsawule na ka maŋ naa wora adɔjibi ga na so. Esa kikɛ maa boŋ nshɛ ashi waindibi be adɔana to. Ekama maŋ naa nya afeelebi be asɔrso nɛ baa tre greeps na a wora nsa. Esa kama maŋ naa nu kagbenefuliso be awɔr gba kuraa.

Aizaaya 7:23

Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Jɛremaya 8:13

N daa sha kegama ma basa fanɛ kananɛ edɔpo bee chala mbe adɔjibi abar so nna, ama b du fanɛ kedibi sɔrso nɛ k maŋ kɔ asɔrso kumo so nɛ kumo be afantaŋ gba gbaŋgbaŋ n tɔr to na nna. Amoso nɛ n sa ekpa fanɛ basa pɔtɛ e ba sɔ kasawule na n chena so na.”

Hoziya 2:12

Meeŋ mur mbe asɔrso nɛ baa tre greep nɛ figi be ndibi be ndɔ nɛ e yɛ mo jipoana ta n sa mo fanɛ mbe kakɔka na. Meeŋ shin nɛ mbe asɔrso nɛ baa tre greep na be adɔbi nɛ mbe figi be ndibi be adɔ na kikɛ e ki fanɛ kupuŋ; nɛ kupuŋ to be asɔbɔya e jija amo.

Hoziya 3:4

Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Jowɛl 1:12

Ndibi sɔrso be yiri yiri kikɛ bolo to nseŋ wɔl n wu kuraa; nɛ bomin kikɛ be kagbenefuli n loge kuraa.

Jowɛl 1:5

Menyi besanuupo ere, men tiŋi edi to nseŋ shu anishichubi! Menyi to be bekama nɛ menyee nuu nsa na, e boŋ to a shu. Men boŋ to a shu ŋkpal men ka maaŋ naŋ nya amo n nuu so.

Jowɛl 1:7

B shin nɛ ma ndibi sɔrso ki asɔ fuloŋ, a yil jiga, a maŋ naa kɔ tɔnɔ. Loŋ be efuli na so ebi marga m marga ndibi na be afɔfɔ n lɛ ŋ ka amo nɛ a fuli a yil.

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Zefanaiya 1:13

Basa pɔtɛ beeŋ suge bumo be asɔ lela kikɛ nseŋ bure bumo be nwu. B maaŋ nya n chena nwu nɛ bumo gbagba pɔr to ŋko n nya bumo be ndibisɔrso be asɔrso nɛ baa tre greeps na be nsa n nuu.”