Aizaaya 31:3 - EBƆRƐ BE KAWƆL

³ Ijiptebi na maŋ la Ebɔrɛ, edimɛdi e la bumo. Bumo be egbaŋɛ gba maŋ la kiyoyu to be asɔ nɛ a beeŋ baa wɔtɔ mbaanaayɔ. Enyɛnpe Ebɔrɛ baaŋ ŋini mbe eleŋgboŋ, efuli lempo bee mur nna nɛ efuli pɔso nɛ k bee chɛ to na e tɔr. Saŋɛ na so nɛ efuli anyɔ na kikɛ e mur.

Aizaaya 31:3 ပူးပေါင်းရင်းမြစ်များ

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nshɛ 118:8

Keta fo yirda n to Enyɛnpe Ebɔrɛ so nɛ e baa kuŋ fo bɔ fo ka ta fo kumu n to nyiŋgbasa so

Nshɛ 33:17

Egbaŋɛ nɛ b kɔ a kɔ kena be eleŋgboŋ na maaŋ tiŋ m mɔlga esa ŋko ŋ kuŋ mo.

Nshɛ 9:20

Enyɛnpe Ebɔrɛ, shin nɛ kufugboŋ e tɔr efuli pɔtɛana na so, nɛ b pin fanɛ b la edimɛdi nna ashi fo anishito.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 20:4

Asiriya be ewurgboŋ na beeŋ delge basa nɛ e beeŋ pɛ kena to ashi efuli anyɔ na so n shin nɛ b nite aya fuloŋ n yɔ kenyaya to. Mbifɔlbi nɛ benimu kikɛ nɛ e beeŋ delge so n shin nɛ bumo be aperbi e baa dese, nɛ Ijiptebi e ŋaba.

Aizaaya 20:6

Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”

Aizaaya 30:16

Kusɔ nɛ menyee fɛ e la fanɛ menyeeŋ dii egbaŋɛ shileso n shile m mɔlga menyi be amu ŋkpal men doŋana so. Menyee fɛ fanɛ menyi be egbaŋɛ beeŋ tiŋ n shile ga ama bumo nɛ baa ju a buu menyi so na peya beeŋ shile a chɔ bumo nɛ b pɛ menyi.

Aizaaya 30:5

ama Ijiptebi na maaŋ tiŋ ŋ kuŋ bumo. Keyirda loŋ be efuli na la jiga nna nsaa la kawulisheŋ n ti so.”

Aizaaya 30:7

Ijipt be kechɛto maŋ la shɛŋ. Amoso nɛ mee tre kumo ‘Kusɔ gbeyeso nɛ k du fanɛ laŋchaŋ a maaŋ tiŋ n wora shɛŋ na.’ ”

Aizaaya 36:6

E bee ta mbe kumu a to Ijipt be efuli nɛ kumo be ewura so nna, ŋko? Nɛ loŋ bre nna, k du fanɛ e ka bee yirgi kedibi buso nɛ k beeŋ tiŋ n da mbe enɔ be epun to m bɔl so nna. Kananɛ Ijipt be ewura, Fɛɛro, du n sa esa kama nɛ e ta mbe kumu n lɛ mo so nna na.

Aizaaya 36:9

Menyi maaŋ tiŋ n tu Asiriya be efuli so be enapo nɛ e maŋ kɔ eyilikpagboŋ gba ŋ kɔ, ama menyee tama fanɛ Ijiptebi beeŋ sa menyi egbaŋɛturko nɛ egbaŋɛ diipoana nɛ b ba chɛ menyi to ŋ kɔ a?

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 17:5

Kumo be kaman nɛ Enyɛnpe Ebɔrɛ na kaŋɛ le: “Meeŋ shoduu bekama nɛ b pal kaman n sa ma nseŋ ta bumo be yirda n deŋi edimɛdi nɛ bumo be eleŋ so.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Ezikɛl 28:9

Jemanɛ nɛ baaŋ ba mɔ fo na, fo kraa beeŋ baa fɛ fanɛ kegbir e la fo a? Jemanɛ nɛ feeŋ yili fo bemɔpo be anishito na, dimɛdi e naaŋ baa la fo mannɛ kegbir.

Eemɔs 2:15

Basa nɛ b maa to ata a da gba beeŋ shile m bɛta kaman, nɛ basa nɛ baa shile ga gba e shile m mɔlga bumo be amu ŋ gben nɛ egbaŋɛdiipoana gba e dii egbaŋɛ m mɔlga bumo be amu ŋ gben.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”