Aizaaya 30:4 - EBƆRƐ BE KAWƆL

⁴ Juda be basa be mbɔ teŋ yɔ Ijipt be efuli so be ndegboŋ nɛ baa tre Zowan nɛ Hanes na,

Aizaaya 30:4 ပူးပေါင်းရင်းမြစ်များ

2 Bewura 17:4

Kafɛ ko nɛ ewura Hoshiya shuŋi mbɔ Ijipt be efuli so be ewura nɛ baa tre Soo na kutɔ a fin fanɛ e chɛ mo to nɛ e sa maŋ naa ka kafɛ kafɛ kikɛ be lampo na a sa Asiriya be ewura na. Ewurgboŋ Shalmaneesa ka nu loŋ na, nɛ e shin nɛ b pɛ Hoshiya n ti ebu.

Nshɛ 78:12

Bumo nanaana be anishito nɛ e daŋ wora emamachisheŋ na. Ijipt be efuli so be kebonfu nɛ baa tre Zowan na so nɛ e daŋ wora amo.

Aizaaya 19:11

Ijipt be ewura be benimuana nɛ b wɔ kadegboŋ nɛ baa tre Zowan na la bewulpo nna nsaa sa mo kawuliso be kasotoji. Amoso nuso nɛ baaŋ naŋ tiŋ n wora ŋ kaŋɛ ewura na le: “An nyi asheŋ ga. An shi dra dra na be bewura to be kanaŋ to nna!”

Aizaaya 57:9

Menyee gbiti ŋku nsaa wora etulale n ya kaa shuŋ kegbir nɛ baa tre Mɔlɛk na nna. Menyi alɛ bee shuŋi mbɔ mboŋ wɔfɔ, hale a yɔ bubuni to nna n ya kaa fin agbirana nɛ menyeeŋ baa shuŋ.

Jɛremaya 43:7

B daa maŋ wora Enyɛnpe Ebɔrɛ na kasonu nseŋ daŋ yɔ Ijipt n ya chena kadegboŋ nɛ baa tre Taapanes na.

Jɛremaya 49:14

Kumo be kaman nɛ ma, Jɛremaya kaŋɛ le: “Edɔm be basa, kubɔya ko nɛ n nya shi Enyɛnpe Ebɔrɛ na kutɔ. E yɛ, e shuŋi kabɔ fanɛ e ya kaŋɛ efuliana na fanɛ b gama bumo be benapo abar so nseŋ bela ase m ba kɔ menyi kena.

Ezikɛl 30:14

Meeŋ shin nɛ Ijipt be efuli na be kelargato be kaseto na be kasawule e dese fuloŋ. Meeŋ nya edɛ n wɔtɔ kadegboŋ nɛ baa tre Zowan nɛ k wɔ kelargato be esoso na n chɔɔ kumo m mur. Ma alɛ beeŋ gberge basa nɛ b wɔ Ijipt be efuli so be kadegboŋ nɛ baa tre Tɛɛbis na kusoe.

Ezikɛl 30:18

Jemanɛ nɛ meeŋ jija Ijipt be eleŋ nɛ baa puchi so nseŋ shin nɛ k ba ekar na, tentembiri beeŋ tɔr kadegboŋ nɛ baa tre Taapanes na so. Kuwɔlpa beeŋ buu Ijipt be efuli na so nɛ b pɛ kumo be ndegboŋ to be basa ŋ ki anya.

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Obadaya 1:1

Kusɔ nɛ Enyɛnpetale Ewurgboŋ na kaŋɛ a laŋɛ Edɔm be kaplɛa so nɛ an nu nde: “Men koso n shin nɛ an yɔ nɛ anyi nɛ Edɔmebi e ya kɔ abar kena.”

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.