Aizaaya 30:3 - EBƆRƐ BE KAWƆL

³ Ama Ijipt be ewura na maaŋ baa kɔ eleŋ nɛ e tiŋ n chɛ bumo to. Ijipt be kekuŋ na beeŋ bar bumo ŋaba nna.

Aizaaya 30:3 ပူးပေါင်းရင်းမြစ်များ

2 Bewura 18:21

E ta mbe kumu n to Ijipt be efuli nɛ kumo be ewura na so nna, ŋko? Nɛ k la loŋ bre, kumo ere kebaadu fanɛ e ka bee yirgi kedibi wuso nɛ k beeŋ tiŋ m bu n da mbe enɔ m bɔl so nna. Kananɛ Ijipt be ewura Fɛɛro du n sa ekama nɛ e ta mbe kumu n lɛ mo so nna na.”

Nshɛ 108:12

Chɛ anyi to nɛ an kɔ m pɔɔ an doŋana so! Ŋkpal manɛ so, esa kikɛ maaŋ tiŋ ŋ kɔ m mɔlga anyi, nɛ mannɛ fo!

Aŋasa 25:19

Keta yirda n deŋi efɛpo so ashi awurfoŋ be saŋɛ du fanɛ fo ka na keya koŋwule so ŋko fo kenyi ka bee besa fo nna.

Aizaaya 20:5

Ndoŋ nna nɛ bekama nɛ b ta bumo be yirda n deŋi Itiopia so nseŋ daa puchi Ijipt so na be nfɛra mel to nɛ b pɔ aba.

Aizaaya 20:6

Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”

Aizaaya 36:6

E bee ta mbe kumu a to Ijipt be efuli nɛ kumo be ewura so nna, ŋko? Nɛ loŋ bre nna, k du fanɛ e ka bee yirgi kedibi buso nɛ k beeŋ tiŋ n da mbe enɔ be epun to m bɔl so nna. Kananɛ Ijipt be ewura, Fɛɛro, du n sa esa kama nɛ e ta mbe kumu n lɛ mo so nna na.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 42:22

Amoso men baa nyiŋi fanɛ menyeeŋ wu kena to ŋko akoŋ ŋko alɔ beeŋ mɔ menyi ashi Ijipt be efuli nɛ menyee sha keya chena so na so.”

Jɛremaya 46:25

Kumo be kaman, nɛ Enyɛnpetale, Israɛl be Ebɔrɛ na naŋ kaŋɛ le: “Meeŋ gberge Tebes be kegbir nɛ baa tre Ammɔn na nɛ Ijipt be agbirana nɛ kumo be basa nɛ bewuraana nɛ bekama nɛ b ta bumo be yirda n deŋi Ijipt be eleŋgboŋ so na kusoe.

Ezikɛl 29:7

B ka yirgi menyi so nɛ men bu n da bumo be aba to m bɔl n shin nɛ bumo be ketetowibi shege ŋko ŋ kpekpel.

Hoziya 10:6

Baaŋ ta kegbir na n yɔ Asiriya be efuli so n ya sa ndoŋ be ewurgboŋ na fanɛ bumo be kakɛ. Saŋɛ na so anishinyɔr beeŋ pɛ Israɛl be basa, ŋkpal b ka bɛ agbir so so.

Romebi 10:11

Loŋ malɛ nɛ abɔrɛsibɛ na bee kaŋɛ na fanɛ: “Esa kama nɛ e yirda mo maa ji anishinyɔr kikɛ.”

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.