Aizaaya 30:2 - EBƆRƐ BE KAWƆL

² Ade be kaman, baa yɔ Ijipt be efuli so nna n ya kaa fin kechɛto a maa bishi ma shɛŋ. Baa sha fanɛ Ijipt e baa kuŋ bumo nna, amoso b ta bumo be yirda nna n wɔtɔ Ijipt be ewura to.

Aizaaya 30:2 ပူးပေါင်းရင်းမြစ်များ

1 Bewura 22:7

Nɛ ewura Jehoshafat naŋ bishi: “Ama anebi kama maŋ naa wɔtɔ nɛ an ya sɔ Enyɛnpe Ebɔrɛ be nfɛra mo kutɔ n ti so a?”

2 Bewura 17:4

Kafɛ ko nɛ ewura Hoshiya shuŋi mbɔ Ijipt be efuli so be ewura nɛ baa tre Soo na kutɔ a fin fanɛ e chɛ mo to nɛ e sa maŋ naa ka kafɛ kafɛ kikɛ be lampo na a sa Asiriya be ewura na. Ewurgboŋ Shalmaneesa ka nu loŋ na, nɛ e shin nɛ b pɛ Hoshiya n ti ebu.

2 Bewura 18:21

E ta mbe kumu n to Ijipt be efuli nɛ kumo be ewura na so nna, ŋko? Nɛ k la loŋ bre, kumo ere kebaadu fanɛ e ka bee yirgi kedibi wuso nɛ k beeŋ tiŋ m bu n da mbe enɔ m bɔl so nna. Kananɛ Ijipt be ewura Fɛɛro du n sa ekama nɛ e ta mbe kumu n lɛ mo so nna na.”

Aizaaya 16:3

Le nɛ Mowab be mbɔ na daŋ kaŋɛ Juda be basa na: “Men baa ŋini anyi kusɔ nɛ anyeeŋ baa wora. Men baa kuŋ anyi fanɛ kedibi be kiyoyul kapiidi, nseŋ shin nɛ an chena menyi be kayul to n wushi. An la basa nɛ b shile kena nna a mɔlga anyi be amu. Men ta anyi ŋ ŋana kakpa nɛ esa kikɛ maaŋ wu anyi.

Aizaaya 18:1

Efuli ko dese Itiopia be elɔrana be kaba ndoŋ nɛ baa tre kumo Ijipt, nɛ asɔ firgisobi shi ga ndoŋ nɛ esa beeŋ tiŋ n nu amo be kefergi be egbri.

Aizaaya 36:6

E bee ta mbe kumu a to Ijipt be efuli nɛ kumo be ewura so nna, ŋko? Nɛ loŋ bre nna, k du fanɛ e ka bee yirgi kedibi buso nɛ k beeŋ tiŋ n da mbe enɔ be epun to m bɔl so nna. Kananɛ Ijipt be ewura, Fɛɛro, du n sa esa kama nɛ e ta mbe kumu n lɛ mo so nna na.

Aizaaya 36:9

Menyi maaŋ tiŋ n tu Asiriya be efuli so be enapo nɛ e maŋ kɔ eyilikpagboŋ gba ŋ kɔ, ama menyee tama fanɛ Ijiptebi beeŋ sa menyi egbaŋɛturko nɛ egbaŋɛ diipoana nɛ b ba chɛ menyi to ŋ kɔ a?

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Jɛremaya 2:18

Men ka daŋ yɔ Ijipt nɛ Asiriya be efuliana so n ya nuu elɔrgboŋ nɛ baa tre Nail nɛ Yufreetes be nchu na, manɛ nɛ men daa fɛ fanɛ menyeeŋ nya ashi efuliana na so?

Jɛremaya 21:2

“Jande Jɛremaya, malga Enyɛnpe Ebɔrɛ na kutɔ n sa anyi, ŋkpal manɛ so, Babilɔn be efuli so be ewura, Nebukadneeza nɛ mbe benapo e ba kulti Jerusalɛm n wɔtɔ a sha kekɔ anyi kena na. Ashere Enyɛnpe Ebɔrɛ na beeŋ wora mbe emamachisheŋ na be kuko n shin nɛ Nebukadneeza e yige anyi nseŋ bɛta n yɔ mbe efuli so.”

Jɛremaya 37:5

Babilɔn be efuli so be benapo daŋ kre kena nna m ba kulti Jerusalɛm n wɔtɔ, ama b ka nu fanɛ Ijipt be efuli so be benapo teŋ lar bumo be efuli so a ba na nɛ b bɛta bumo be ayamu so.

Jɛremaya 42:2

m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Jɛremaya 43:7

B daa maŋ wora Enyɛnpe Ebɔrɛ na kasonu nseŋ daŋ yɔ Ijipt n ya chena kadegboŋ nɛ baa tre Taapanes na.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Hoziya 8:10

Ama meeŋ bar menyi abar so m ba gberge menyi kusoe. Kumo alɛ maaŋ chɛr nɛ Asiriya be efuli so be ewurgboŋ na e mɛaŋ menyi ga nɛ men luri ebesa to.

Hoziya 8:9

Men ki fanɛ kupuŋ to be kurma nɛ kumo gbagba wɔtɔ a kilgi to nna. Men shile n yɔ Asiriyaebi kutɔ nna n ya haya bumo fanɛ b baa kuŋ menyi.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Ditɛronɔmi 28:68

N daŋ kaŋɛ menyi fanɛ men sa maŋ kaŋ bɛta n yɔ Ijipt be efuli so. Ama naniere Enyɛnpe Ebɔrɛ na gbagba beeŋ bɛta menyi n wɔtɔ nchu so be ekuloŋgboŋ to n yɔ Ijipt, nɛ men ya kaa sha kefa menyi be amu fanɛ anya nɛ esa kikɛ maaŋ tɔ menyi ndoŋ.

Joshuwa 9:14

Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.

Demujipoana 9:15

Ndoŋ nna nɛ ewidibi kaŋɛ ndibi na le: “Nɛ menyee sha ŋ ka ki menyi be ewura kumo ere men kikɛ e baa kaa ŋana ma kiyoyul to. Nɛ menyi maaŋ wora loŋ, kumo ere edɛ beeŋ shi ma ayabi to m ba chɔɔ Lebanɔn be ndibi nɛ baa tre sida na m mur!”