Aizaaya 3:9 - EBƆRƐ BE KAWƆL

⁹ Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Aizaaya 3:9 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 19:34

Kumo be ŋklade nɛ mo pibiche gboŋiso na kaŋɛ mo sipo na le: “Ndere kanyɛso ma ere nɛ an tuto di, amoso shin nɛ an naŋ ya sa mo nsa kanyɛ ere nɛ fo alɛ nɛ mo e naaŋ di, saŋɛ na so anyi be ekama beeŋ bɔla mo so n nya kebia nɛ anyi be kanaŋ e sa maŋ mur.”

Jɛnesis 4:5

Ama Enyɛnpe Ebɔrɛ na daŋ kini Keen bre nɛ mbe kakɛ na nna. Keen ka wu loŋ na nɛ e nya agbo n tiŋ to.

2 Bewura 9:30

Jehu ka yɔ Jizreel nɛ Jɛzebel nu mbe asheŋ, nseŋ ya ŋe kile nseŋ mɔ mbe emin to nɛnɛ nsaa jule a keni tokuro to ashi ewura na be laŋ to.

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 30:13

Basa ko bee wu bumo be amu nna a maa keni basa a bɔlɔ kenishi.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aizaaya 1:10

Jerusalɛmebi, menyi be bewuraana nɛ basa kikɛ du fanɛ Sodɔm nɛ Gomɔra be basa nna. Men kaŋ asoe n nu kusɔ nɛ Enyɛnpe Ebɔrɛ na bee kaŋɛ nseŋ wɔtɔ lakal kusɔ nɛ Ebɔrɛ bee ŋini menyi to.

Aizaaya 3:16

Kede be kaman, nɛ Enyɛnpe Ebɔrɛ na naŋ kaŋɛ le: “Keni kananɛ Jerusalɛm to be beche bee wu bumo be amu loŋ! Baa nite boeŋ boeŋ nna a keni a fin fanɛ benyɛn e baa wu bumo nsaa yɛlga bumo jemanɛ kikɛ. Baa nite nna nɛ bumo be anampase bee gbri.

Aizaaya 57:20

Basa lubi bre du fanɛ teku nɛ k bee baga to a kaa ketili a lara eyurpi a deŋi kedeŋi so jemanɛ kikɛ na nna.

Aizaaya 59:12

An wora alubi damta ŋ gbiti fo, Enyɛnpe Ebɔrɛ na. Anyi be alubi bee ji a bri anyi nna, nɛ anyi alɛ nyi amo kikɛ nyam be asheŋ.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 16:30

Amoso nɛ ma nɛ Enyɛnpetale Ebɔrɛ kaŋɛ fanɛ fo to fo kumu pasaa! Fo wora asheŋ ere kikɛ fanɛ sakaleche nɛ e paŋ anishinyɔr pasaa!

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 23:16

E ka baŋ wu efoto na nɛ kayɛlga lubi luri mo to nɛ e shuŋi mbɔ Babilɔn be efuli so be benapo be benimuana na kutɔ.

Danɛl 7:20

Ma alɛ daŋ naa sha kepin alambɛ kudu nɛ a wɔ kumo be kumu so na nɛ kelambɛ nɛ k lar kaman to n shin nɛ alambɛ na be asa tia n tɔr na be asheŋ nna. Loŋ be kelambɛ na e daa kɔ anishi nɛ kɔnɔ nsaa puchi ga nɛ kumo be asheŋ daa kɔ kufu a chɔ amo nɛ a ka na.

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Hoziya 5:5

Israɛl be basa na be kamoowu e shin nɛ bumo gbagba be ŋgbene bee ji a bri bumo. Bumo be alubi malɛ so so nɛ baa fiti a tɔr nɛ Juda malɛ gba be basa ti bumo so a tɔr na.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

1 Samuɛl 15:32

Nɛ Samuɛl ponte ŋ kaŋɛ le: “Men ta Amalɛk be ewura Agag na m ba sa ma nfe.” Nɛ Agag ba yili Samuɛl kutɔ nsaa chicha kufuso a fɛ mbe kumu to le: “Naniere bre b maaŋ naŋ mɔ ma.”