Aizaaya 3:8 - EBƆRƐ BE KAWƆL

⁸ Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 3:8 ပူးပေါင်းရင်းမြစ်များ

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Aŋasa 26:27

Fo baa kur fo barkasa be kemaŋ, fo gbagba e naŋ kilgi n tɔr kumo to. Fo baa gbelti kejembu nɛ fo bɛa fo barkasa, k beeŋ kilgi m bɛa fo gbagba.

Aizaaya 1:7

Menyi be efuli na kikɛ mur nɛ esa kikɛ maŋ naa wɔ kumo so nɛ kumo be ndegboŋana na chɔɔ a dese fuloŋ. Men yil a keni nna nɛ befɔ ta menyi be kasawule nseŋ mur kusɔ kama cheche.

Aizaaya 49:19

Jerusalɛm be kadegboŋ daŋ bure nna a dese fuloŋ, ama naniere k beeŋ baa du fimbi ga a maaŋ tiŋ n sɔ basa nɛ baaŋ ba chena kumo to na. Basa nɛ b daŋ mur fo nseŋ yige fo n nase fuloŋ na beeŋ lar fo to n yɔ kufɔ kufɔ.

Aizaaya 57:4

Wanɛ nɛ menyee wora eyurto? Wanɛ nɛ menyee mɛr kɔnɔ? Men keni, menyi be alubi shin nɛ men ki bewulpo nna.

Aizaaya 59:3

Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Jɛremaya 23:36

Amoso b sa maŋ naa malga a kaŋɛ le: ‘Baru nɛ k shi Enyɛnpe Ebɔrɛ na kutɔ nde.’ Ŋkpal manɛ so, nɛ bumo to be ekama kaŋ kaŋɛ loŋ, meeŋ shin nɛ ma kubɔya e baa la awurfoŋ kashenteŋto n sa bumo. Basa na chɛrga bumo be Ebɔrɛ nɛ e bee sa ŋkpa nsaa la Enyɛnpetale na be mmalga nna kashenteŋto.”

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 44:3

ŋkpal manɛ so, bumo be basa daŋ wora asheŋ lubi nna n shin nɛ n nya agbo. B daa lara esarga nna a sa agbir nseŋ shuŋ agbirana nɛ bumo gbagba ŋko bumo nananyɛnana maŋ naŋ shuŋ ŋ ku so.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Ezikɛl 8:12

Ndoŋ nna nɛ Ebɔrɛ kaŋɛ ma le: “Dimɛdi pibi, fo wu kusɔ nɛ Israɛl be benimuana ere bee wora ashiri to nna na, ŋko? Bumo be ekama yil mbe kegbir ase nna na. B yɛ: ‘Enyɛnpe Ebɔrɛ na maa wu anyi. Mo alɛ naŋ lar efuli na kaman nna.’ ”

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Hoziya 5:5

Israɛl be basa na be kamoowu e shin nɛ bumo gbagba be ŋgbene bee ji a bri bumo. Bumo be alubi malɛ so so nɛ baa fiti a tɔr nɛ Juda malɛ gba be basa ti bumo so a tɔr na.

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Maika 6:12

Damawuraana na bee puni betirpo nna nɛ ekama malɛ bee ku efɛ.

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Juud 1:15

nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”