Aizaaya 3:7 - EBƆRƐ BE KAWƆL

⁷ Ama amodoŋwura beeŋ kaŋɛ bumo le: “Mannɛ ma ere! M maŋ tiŋ n chɛ menyi to. Ma alɛ gba maŋ kɔ ajibi ŋko asɔbuuso. Men sa maŋ ta ma ŋ ki menyi be ejuŋkparpo!”

Aizaaya 3:7 ပူးပေါင်းရင်းမြစ်များ

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

Aizaaya 58:12

Menyi be basa beeŋ lɔŋɛ m pɔr mboŋ nɛ e bure a dese n chɛr na n yili amo be egbaltɔlase dra na so. Saŋɛ na so ekama beeŋ pin fanɛ men la basa nɛ baa lɔŋɛ egbalana nɛ alambure a pɔr nna.”

Jɛremaya 14:19

Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.

Hoziya 5:13

Israɛlebi ka wu alɔ nɛ Judaebi malɛ wu edoro nɛ a wɔ bumo so na, nɛ Israɛlebi ya fin kechɛto ashi Asiriya be efuli so be ewurgboŋ na kutɔ, ama mo alɛ gba maŋ tiŋ n chɛ bumo be alɔ nɛ edoro na.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Jowɛl 1:16

To, naniere gba an kɔ anishi nna a keni anyi be adɔ nɛ amo be ajibi bee jija. Kagbenefuli malɛ maŋ naa wɔ bɔrɛlambu to kuraa.

Ditɛronɔmi 32:40

Ma e la Ebɔrɛ nɛ e bee sa ŋkpa; ma e maŋ ma enɔ so m bɔ ntaŋ