Aizaaya 3:5 - EBƆRƐ BE KAWƆL

⁵ Basa beeŋ baa kɔrfɛ abar. Mbifɔlbi maaŋ baa sa bumo be benimuana bunyaŋ. Basa jiga maaŋ naa bunyaŋ basa nɛ b daga bunyaŋ.

Aizaaya 3:5 ပူးပေါင်းရင်းမြစ်များ

2 Bewura 2:23

Elaisha ka lar Jɛriko a yɔ Bɛtɛl, nɛ mbinyɛnsobi ko lar kade ko to m ba kaa wora mo eyurto a kaŋɛ awɔrso le: “Kumu nyiɛso wura, lar nfe!”

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 11:13

Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Aizaaya 9:18

Basa na be kumu kpakpaso bee salga to fanɛ edɛ nɛ k bee chɔɔ kiyi a ji afitiri wɔlso a mur na nna. K du fanɛ edɛ ka ji kupo n loge nɛ edishi bee kaa na nna.

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Levitikɔs 19:32

Men baa sa basakpar bunyaŋ nsaa maŋkura bumo. Men baa nu a sa ma bunyanso, ŋkpal manɛ so, ma e la Enyɛnpe Ebɔrɛ na.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Zakareya 11:6

Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 26:67

Ndoŋ nna nɛ b tuu echɔl n fea mbe anishito nsaa ŋmɛa a ŋmɛa mo

Maak 14:65

Nɛ bumo be beko fara a tuu echɔl a fea Yesu n wora mo kebuumbuuanishi nsaa ŋmɛa mo a kaŋɛ: “Pin esa nɛ e ŋmɛa fo ere.” Nɛ bekumpo na pɛ mo ŋ kpa mo etaŋ.

Luuk 22:64

nseŋ naŋ wora mo kebuumbuuanishi nseŋ ŋmɛa mo nsaa kaŋɛ mo: “Pin esa nɛ e ŋmɛa fo ere.”

Jeems 2:6

Ama le be basa ere nɛ menyi ere bee fɛl ŋkeshin nɛ mannɛ damawuraana e naa kaa tɔrɔ menyi nsaa nyaŋ menyi a yɔ edemujikpaana na a?

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.