Aizaaya 3:25 - EBƆRƐ BE KAWƆL

²⁵ Ade kikɛ be kaman, Jerusalɛm to be benyɛn lempo nɛ baa tiŋ a kɔ kena na kikɛ beeŋ wu kena to;

Aizaaya 3:25 ပူးပေါင်းရင်းမြစ်များ

2 Kronikɛls 29:9

B daŋ mɔ an tutoana ashi kena to nna nseŋ pɛ anyi be beche nɛ mbia kena to n yɔ efuli pɔtɛ so.

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Aizaaya 65:12

Menyi be kumulela beeŋ fo ekar nɛ m bugi ekpa n shin nɛ b ta etokobi m mɔ menyi. Ŋkpal manɛ so, ŋ ka tre menyi men kini keshuli nna; menyi alɛ maŋ naŋ wɔtɔ lakal kusɔ nɛ ŋ ŋini menyi na to. Ama asɔ nɛ ŋ kishi nɛ menyi alɛ nyi k ka la kulubi na nɛ men wora.”

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 14:18

M baŋ yɔ kupuŋ to, mee wu benyɛn nɛ b wu kena to a dese nna. Ma alɛ naŋ luri nde to, mee wu basa nɛ akoŋ bee mɔ nna. Ama anebiana nɛ bɔrɛmatapoana na bre kraa shuŋ bumo be ashuŋ nna, a maŋ nyi kusɔ nɛ k bee wora gba.”

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 19:7

Juda be efuli so nɛ Jerusalɛm to be basa beeŋ tiŋ a kɔ ŋkre gboŋ, ama meeŋ shin nɛ e to jiga ashi ketaŋɛ ere to. Meeŋ shin nɛ bumo doŋana e ba kɔ bumo kena m pɔɔ bumo so nseŋ mɔ bumo n lɛ nɛ mbuibi nɛ kupuŋ to be asɔbɔya e ji bumo.

Jɛremaya 21:9

Esa kama nɛ e wɔ kadegboŋ na to beeŋ wu kena to ŋko akoŋ beeŋ mɔ mo ŋko e beeŋ lɔ n wu. Ama bekama nɛ baaŋ lar n ta bumo be amu n ya bɔɔ Babilɔnebi nɛ b kulti Jerusalɛm n wɔtɔ na enɔ bre beeŋ nya bumo be amu.

Nfabel 2:21

Mbifɔlbi nɛ basakpar kikɛ e wu a dese agbembi so na, bedoŋ malɛ ta etokobi m mɔ mbrantiɛ nɛ besuŋgurbi. Kachɛ nɛ fo nya agbo na nɛ fo shin nɛ bedoŋ mɔ bumo nsaa maŋ wu bumo kuwɔr kikɛ.

Eemɔs 9:10

Baaŋ mɔ bumo be bumo nɛ b la belubiworapo n wea ma basa to na kena to, fɔŋfɔŋ bumo nɛ baa kaŋɛ le na: ‘Ebɔrɛ maaŋ shin nɛ tɔrɔ kikɛ e ba anyi so.’ ”