Aizaaya 3:24 - EBƆRƐ BE KAWƆL

²⁴ Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Aizaaya 3:24 ပူးပေါင်းရင်းမြစ်များ

Ɛsta 2:12

Kafɛ koŋwule nɛ b sa beche na fanɛ b ta n lɔŋɛ bumo be amu n nyalɛ kebita n ti so. Baaŋ ta ŋku nɛ baa tre mir na n lɔŋɛ bumo be eyur so afɔl ashe nseŋ ta etulale malɛ be ŋku n lɔŋɛ bumo be eyur afɔl ashe nɛ a ka na. Kumo be kaman nɛ b yɛr beche na be ekama ewura Sɛgsis be anishito kukoko to.

Job be kawɔl 16:15

Amoso nɛ n ta bɔtɛ m ba piŋi m buu nseŋ chena eshishɛrpumpuŋ to a shu fanɛ ŋ ka bee shu keeli na.

Aŋasa 31:24

E bee lue ewajɛ nɛ eshata nna a fa a sa eyawujipo.

Aŋasa 7:17

Nseŋ ta etulale nɛ baa tre mir nɛ alowe nɛ Sinamɔn na ŋ ŋmenyaŋ kumo kikɛ so.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 15:3

Basa nɛ b daa nite agbembi so na daŋ buu nli be asɔbuuso a ŋini bumo be ŋgbenejija nna, nɛ beko malɛ daa wɔ achoŋi nɛ alɔnɛ so a shu.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 4:4

Enyɛnpe Ebɔrɛ na beeŋ bɔla mbe eleŋgboŋ so n ji efuli na demu nseŋ fɔr Jerusalɛm be kewora n jija nɛ basa nɛ b mɔ na be ŋklaŋ n lɛ nɛ efuli na e naaŋ nyalɛ so ashi asheŋ lubi be kaplɛa so.

Aizaaya 57:9

Menyee gbiti ŋku nsaa wora etulale n ya kaa shuŋ kegbir nɛ baa tre Mɔlɛk na nna. Menyi alɛ bee shuŋi mbɔ mboŋ wɔfɔ, hale a yɔ bubuni to nna n ya kaa fin agbirana nɛ menyeeŋ baa shuŋ.

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Jɛremaya 49:3

Menyi basa nɛ men wɔ Hɛshbɔn be kade to na beeŋ shu awɔrso. Kade nɛ baa tre Ai na beeŋ mur! Rabba be beche, menyeeŋ ta nli be asɔbuuso m buu a shu keeli! Ekama beeŋ wulto a shile a kulti kaplɛkama. Baaŋ ta menyi be kegbir, Mɔlɛk nseŋ pɛ agbirwuraana nɛ kegbir ase be benimuana na tintiŋ so n yɔ efuli pɔtɛ wɔfɔ so.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Ezikɛl 27:31

Bumo alɛ beeŋ she bumo be amu ŋkpal fo so, nseŋ buu kagbenejijaso be asɔbuuso a ŋini bumo be kagbenejija. Baaŋ ta kagbenejija damta n shu ga ŋkpal fo so

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Jowɛl 1:8

Men baa shu ebesa so fanɛ kasuŋgurbia nɛ mo jipo nɛ e bee shin nɛ e ta mo ka wu ŋ ka mo nɛ e tase kagbenejijaso a shu keeli na.

Levitikɔs 26:16

meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Maika 1:16

Judaebi, men she men be amu ŋkpal kagbenejija nɛ k beeŋ tu menyi ŋkpal men be mbia shasoana so. Men she men be amu kɔlikɔli fanɛ ejita be amu na ŋkpal manɛ so, baaŋ pɛ men be mbia shaso ŋ ki anya n yɔ efuli pɔtɛ wɔfɔ so.

Ditɛronɔmi 28:22

E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.

Ditɛronɔmi 32:24

Meeŋ shin nɛ akoŋgboŋ nɛ alɔ mɔso e mɔ menyi. Ma alɛ beeŋ shin nɛ kupuŋ to be asɔbɔya lubi e pɛ menyi, nɛ awɔ nɛ e kɔ kebɔr lubi malɛ gba e duŋ menyi.

1 Pita 3:3

Men sa maŋ shin nɛ men be kebita e baa shi eyur so be kelɔŋɛ fanɛ amu be kekre ŋko eshuwa be abitasɔ be kewɔtɔ nɛ asɔbuuso lela be kebaabuu to.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

Kelaraŋŋini 16:9

Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

Kelaraŋŋini 18:9

Kasawule so be bewura mo nɛ b ji kesakalea nseŋ naŋ tu mo n ji mbe dama na kaŋ wu edɛ mo nɛ a bee chɔɔ mo na be edishi, baaŋ boŋ to n shu anishichubi ŋkpal mo so.