Aizaaya 3:14 - EBƆRƐ BE KAWƆL

¹⁴ E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Aizaaya 3:14 ပူးပေါင်းရင်းမြစ်များ

Job be kawɔl 22:4

Mannɛ fo ka bee ŋana Ebɔrɛ nsaa shuŋ mo so nɛ e bee kpele fo kusoe a ŋini fo ekpa na.

Job be kawɔl 24:14

Kakpa baŋ biri to, bemɔpo na bee koso nna n ya kaa mɔ betirpo nɛ betentaŋasepo. Kanyɛso saŋko malɛ nɛ b ya kaa yuri.

Job be kawɔl 24:9

Basa lubi bee suge mbia nɛ bumo tutoana wu nna ashi bumo nioana kutɔ a ta bumo a ki anya ŋkpal b ka maŋ tiŋ ŋ ka bumo be akɔ so.

Job be kawɔl 34:23

Amoso Ebɔrɛ maŋ lara kachɛ nɛ e beeŋ ji demu n yili.

Nshɛ 10:9

Baa jo bumo be eŋanakpa nna fanɛ buluŋ na, a tɛ basa nɛ b maaŋ tiŋ m mɔlga bumo be amu nɛ b tɔr bumo be ajigbelɛ to, nɛ b pɛ bumo.

Nshɛ 14:4

Ama alubiworapo maaŋ koya a? Menyee suge ma basa nna a ji, nsaa kini kekule Ebɔrɛ.

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Aŋasa 30:14

Basa ko be kebaawɔtɔ e la kebaa kɔ kumu kpakpaso a mɛaŋ betirpo nɛ bebɔlpo.

Aizaaya 10:1

Asheŋ maaŋ nyalɛ n sa menyi! Menyee wora mbra nɛ a kɔ ŋkpɛato nna nsaa bɔla amoso a nyaŋ ma basa a wɔtɔ a tɔrɔ bumo.

Aizaaya 10:2

Kananɛ menyee wora a maa ji kashenteŋ a sa betirpo nɛ basa nɛ asheŋ tir bumo ashi menyi be demujikpaana nseŋ naa suge bekulpoche nɛ amunibi be asɔ nna na.

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 14:30

Enyɛnpe Ebɔrɛ na beeŋ baa keni betirpo nɛ b wɔ mbe basa Israɛlebi to so fanɛ kananɛ mbolpɔkpapo bee keni mbe mbolpɔ so na. E beeŋ shin nɛ b baa wɔtɔ nɛ shɛŋ maaŋ naa tɔrɔ bumo. Ama mo alɛ beeŋ shin nɛ akoŋgboŋ e tɔr menyi Filistiebi so nɛ menyi be ekama maaŋ pete.

Aizaaya 26:6

Naniere betirpo nɛ basa nɛ bedoŋ na daa kɔrfɛ na e naa chichi a chichi kakpa nɛ kadegboŋ na daa wɔ na so.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 30:12

Ama kusɔ nɛ Israɛl be Ebɔrɛ cheembi na kaŋɛ nde: “Men kplaŋ kusɔ nɛ ŋ kaŋɛ menyi so nseŋ ta menyi be yirda n deŋi kanyaŋ nɛ efɛsheŋ so.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Aizaaya 58:4

Menyi be ekishi bee shin nɛ menyee ki nyaŋnyaŋ nna nɛ menyee bile a tege abar nsaa bri abar. Men tama fanɛ le be ekishi beeŋ tiŋ n shin nɛ n nu menyi be kabɔrɛkule a?

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 5:27

Kananɛ ekpampo bee pɛ mbuibi a bɔlɔ katurwe na, aloŋ nɛ baa suge ma basa be asɔ a bɔlɔ bumo be elaŋana to. Amoso nɛ b dii kedama nsaa kɔ eleŋ ga

Ezikɛl 18:12

E bee puni betirpo nsaa suge basa. Nɛ esa ta kusɔ ko m ba yili tarma gba e maaŋ naŋ laŋɛ kumo n sa kumo wura. Mo alɛ bee shuŋ agbirana nsaa wora ekishisheŋ.

Ezikɛl 20:35

Nseŋ bar menyi keshishɛrsawule nɛ efuliana na kulti kumo na so, nɛ ma nɛ menyi e tu abar ndoŋ nɛ n ji menyi demu nɛ men ji n tɔr.

Ezikɛl 20:36

Kananɛ n ji men tutoana demu Ijipt be efuli so be kiyi to nɛ b ji n tɔr nɛ ŋ gberge bumo kusoe na nɛ meeŋ ji menyi alɛ gba demu. Ma, Enyɛnpetale Ebɔrɛ e kaŋɛ na.

Levitikɔs 25:14

Amoso nɛ fee fa kasawule a sa fo barkasa Israɛl be esa ŋko fee tɔ kumo nna, fo sa maŋ kaŋ puni na.

Levitikɔs 25:17

Sa maŋ kaŋ puni fo barkasa Israɛl be esa, ama baa ŋana Ebɔrɛ. Ŋkpal manɛ so, ma e la Enyɛnpe fo Ebɔrɛ.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Maika 3:3

K du fanɛ menyee luu ma basa be nwɔl nna, nsaa kpele bumo be eblaŋ nɛ awibi to a wɔtɔ mpuliya to a daŋɛ a we.

Maika 6:10

Kayu be asɔ nɛ men ta m bɔlɔ ebuana n yili nseŋ ta kapuni be ekurwa nɛ ŋ kishi amo be asheŋ ga na a ber asɔ.

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Jeems 2:6

Ama le be basa ere nɛ menyi ere bee fɛl ŋkeshin nɛ mannɛ damawuraana e naa kaa tɔrɔ menyi nsaa nyaŋ menyi a yɔ edemujikpaana na a?