Aizaaya 3:11 - EBƆRƐ BE KAWƆL

¹¹ Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Aizaaya 3:11 ပူးပေါင်းရင်းမြစ်များ

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

1 Bewura 21:21

Amoso Enyɛnpe na yɛ: ‘Meeŋ shin nɛ fo ji jɛrbi. Meeŋ mur fo nseŋ mur fo kanaŋ to be benimu nɛ mbia kama nɛ b la benyɛn na kikɛ.

2 Kronikɛls 6:23

kumo ere Enyɛnpe Ebɔrɛ, fo yili esoso n ji fo nyɛrbi demu nseŋ gberge esa nɛ e ji n tɔr na kusoe nseŋ yige emo nɛ e maŋ ji n tɔr na.

Job be kawɔl 10:15

M baŋ wora kulubi, mee nya asheŋ fo kutɔ nna, ama nɛ m baŋ wora kelela bre, m maa nya mbo. Naniere ma kagbene jija ma ga nɛ anishinyɔr pɛ ma.

Nshɛ 28:4

Gberge bumo kusoe ŋkpal bumo be ashuŋ lubi so; Shin nɛ b nya bumo be asheŋ lubi be kakɔka; n shin nɛ bumo be asheŋ lubi nɛ b wora na kikɛ e laŋɛ bumo so.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Aŋasa 1:31

Amoso feeŋ ji kusɔ nɛ fo du na be asɔrso, nɛ fo gbagba be aworbi e kilgi a bishi fo.

Aŋasa 11:31

Nɛ basa lela bee nya kelela be kakɔka durnya ere to, kumo ere kashenteŋto, basa lubi gba beeŋ nya kasogberge.

Aŋasa 12:14

Feeŋ nya kusɔ kama nɛ fo wora ŋko ŋ kaŋɛ be tɔnɔ.

Aŋasa 26:27

Fo baa kur fo barkasa be kemaŋ, fo gbagba e naŋ kilgi n tɔr kumo to. Fo baa gbelti kejembu nɛ fo bɛa fo barkasa, k beeŋ kilgi m bɛa fo gbagba.

Kaŋinichiŋgeliŋ 8:13

Ama ŋkpal kumukpakpasowuraana ka maa ŋana Ebɔrɛ nsaa maa wora mo kasonu so, asheŋ maaŋ nite nɛnɛ n sa bumo; bumo alɛ be nchɛ maaŋ teŋi so fanɛ kiyoyul nɛ k maa yili kakpa koŋwule a chɛr na.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 48:22

Enyɛnpe Ebɔrɛ na nase kɔnɔ fanɛ alubiworapoana maaŋ nya kayurwushi kikɛ.’ ”

Aizaaya 65:20

Mbi popɔrbi be luwu maaŋ naa wɔtɔ. Basa kikɛ beeŋ chena n fo bumo be nchɛ be ekar pɔɛŋ nseŋ wu. Basa nɛ b ji nfɛ kalfa gba beeŋ baa du fanɛ mbifɔlbi. Basa nɛ b maaŋ fo nfɛ kalfa pɔɛŋ nseŋ wu na, baaŋ wu bumo be luwu na fanɛ kɔnɔsho be luwu.

Aizaaya 65:6

N tiŋ ŋ kre bumo be kasogberge nseŋ sibɛ kusɔ nɛ k beeŋ wora bumo n nase. M maaŋ kplaŋ kusɔ nɛ b wora na so, ama meeŋ ka bumo kukɔ

Aizaaya 65:7

ŋkpal bumo gbagba nɛ bumo nanaana be alubi so. B shuŋ agbir nseŋ chɔɔ eduwu n sa amo ashi abee so a malga a jija ma ketre. Amoso meeŋ keni bumo be asheŋ dra so ŋ gberge bumo kusoe kananɛ k daga bumo.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 31:30

Kusɔ nɛ k beeŋ wora e la fanɛ basa nɛ b ji asɔrso nyaŋnyaŋso na gbagba be anyii e naaŋ baa nyiri bumo. Ekama nɛ e wora kulubi e naaŋ wu ŋkpal mbe kulubi na so.”

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 18:20

Basa nɛ b wora alubi e naa wu alubi be luwu. Mbia maaŋ ji awurfoŋ ŋkpal bumo tutoana be alubi so nɛ bekurgepo gba maaŋ ji awurfoŋ ŋkpal bumo be mbia be alubi so. Basa lela beeŋ nya bumo be alelasheŋ be kakɔka nɛ basa lubi malɛ e nya kasogberge ŋkpal bumo be alubi so.

Ezikɛl 2:10

Ndoŋ nna nɛ enɔ na bugi kawɔl sibɛso na to nɛ n wu fanɛ kushu nɛ kagbene jija be yiri kikɛ be asheŋ nɛ b sibɛ n deŋi kumo be mba anyɔ na kikɛ so.

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Ezikɛl 33:8

Nɛ ŋ kaŋɛ fanɛ esa lubi ko beeŋ wu, nɛ fo maŋ fɛa mo so nɛ e chɛrga ashi mbe asheŋ na lubi to nseŋ mɔlga mbe kumu, kumo ere e beeŋ wu ashi mbe alubi na to ama mbe luwu be turju beeŋ baa bɛ fo.

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Maika 7:13

Ama efuli pɔtɛana bre be nsawule beeŋ ki keshishɛrsawule ŋkpal bumo be basa be amukpakpaso so.

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Demujipoana 9:57

Ebɔrɛ daŋ naŋ shin nɛ Shɛkɛmebi na gba nya bumo be alubi be kakɔka fanɛ kananɛ Gidiɔn pibinyɛn, Jotam, daŋ melgi bumo na nna, ŋkpal b ka daŋ chɛ Abimelɛk to so so.