Aizaaya 28:9 - EBƆRƐ BE KAWƆL

⁹ A le nɛ b daa bile asheŋ a kaŋɛ a laŋɛ ma kaplɛa so: “Wanɛ nɛ kanyɛn ere bee fɛ fanɛ e bee ŋini asheŋ? Wanɛ e naa sha mbe kubɔya? K walɛ n sa mbibi nɛ b baŋ ku kenyipo nawule nna!

Aizaaya 28:9 ပူးပေါင်းရင်းမြစ်များ

Nshɛ 131:2

Ama ŋ koya keshin nɛ kayurwushi be kebaawɔtɔ e kukwe ma. Kananɛ kebia popɔrbi bee dese mo nio be enɔ to boeŋ na, nɛ ma kagbene gba dese ma to.

Jɛremaya 6:10

Ndoŋ nna nɛ ŋ kaŋɛ le: “Ekama nɛ ŋ kpele mo kusoe gba maaŋ nu n sa ma. Bumo be asoe ka du kpakpa ga so, baa mushe kubɔya kama nɛ fo ta n sa fanɛ n sa bumo na nna nsaa kini kenu n sa kumo.

Baru lela nɛ Jɔn kute na 12:38

Loŋ be kesheŋ na malɛ daŋ wora nna nɛ anebi Aizaaya be kamalga nɛ e daŋ malga na e bɔla ekpa. Le nɛ e daŋ bishi Ebɔrɛ: “Enyɛnpe, wanɛ e yirda kubɔya nɛ an bɔ na? Nɛ basa mo nɛ Enyɛnpe ŋini mbe eleŋ na?”

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

Baru lela nɛ Jɔn kute na 3:19

Ekpa nɛ demu be keji na beeŋ bɔla so nde fanɛ: Kefulto na ba durnya ere to, ama ŋkpal basa be ashuŋ shunso ka lubi so, baa sha tentembiri a chɔ kefulto na.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Aizaaya 53:1

Ndoŋ nna nɛ basa na malɛ bishi le: “Wanɛ e naaŋ yirda kubɔya nɛ anyee nu ere? Wanɛ e daŋ wu Enyɛnpe Ebɔrɛ be eleŋgboŋ ka shuŋ le?

Maak 10:15

Kashenteŋ nɛ mee kaŋɛ menyi na fanɛ esa kama nɛ e maŋ sɔ Ebɔrɛ be kuwura na fanɛ kebibi, maaŋ luri kumo to kikɛ.”

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Aŋasa 1:29

Fo yɛ kenyi maŋ la shɛŋ nseŋ kini kewora Enyɛnpe Ebɔrɛ kasonu.

Nshɛ 50:17

Men kini ma keŋini nsaa kplaŋ ma mbra so.

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Aizaaya 30:20

Enyɛnpe Ebɔrɛ na beeŋ shin nɛ men luri jemanɛ kpakpaso to, ama mo gbagba e naaŋ ŋini menyi ekpa nɛ men bɔla so n lar kpakpa na to; nɛ men maaŋ naa kulti a fin mo gba.

Aizaaya 28:26

Edɔpo na nyi mbe kushuŋ nna ŋkpal manɛ so, Ebɔrɛ e ŋini mo kumo.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”