Aizaaya 27:3 - EBƆRƐ BE KAWƆL

³ “Mee keni kudɔ na so nna nsaa wurge kumo so nchu jemanɛ kikɛ. Ma alɛ naa kuŋ kumo kapa nɛ kanyɛ nna nɛ esa kikɛ e sa maŋ tiŋ n tɔrɔ kumo.

Aizaaya 27:3 ပူးပေါင်းရင်းမြစ်များ

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 9:9

“Yili kabre a yɔ, mee nase kɔnɔ nna a sa menyi nɛ men be kanaŋ to ebi

1 Bewura 8:59

Enyɛnpe anyi be Ebɔrɛ na, e baa nu ma kabɔrɛkule saŋkama. E baa chɛ Israɛl be basa nɛ bumo be ewura to nsaa wora bumo karechɛ kama be asheŋ tirso a sa bumo.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Aizaaya 31:5

Kananɛ kabuibi bee firgi a kulti kumo be kesha a kuŋ kumo be bibi na nɛ ma Enyɛnpetale Ebɔrɛ na beeŋ kɔ ŋ kuŋ Jerusalɛm.”

Aizaaya 42:6

“Ma, Enyɛnpe Ebɔrɛ na e tre fo nseŋ sa fo eleŋ, nɛ fo shin nɛ keji asheŋ nɛ amo be ekpa so e ba durnya to. Fo so nɛ ma nɛ basa kikɛ beeŋ bɔla so n wora kɔnɔkoŋwule be ŋkre. Fo so nɛ Ebɔrɛ be kebaanyi be kefulto beeŋ bɔla so m ba efuliana na to.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 46:4

Ma e la menyi be Ebɔrɛ nsaa beeŋ keni menyi so n ya fo fanɛ menyi ka beeŋ ya bel n fuli amu. Ma e to menyi nsaa keni menyi so; meeŋ chɛ menyi to nseŋ kuŋ menyi nɛ shɛŋ shɛŋ maaŋ wora menyi.”

Aizaaya 46:9

Men baa nyiŋi kusɔ nɛ k wora dra na, nseŋ pin to fanɛ n nawule e la Ebɔrɛ. Ekama maŋ du fanɛ ma.

Aizaaya 49:8

Ade be kaman nɛ Enyɛnpe Ebɔrɛ na naŋ kaŋɛ mbe basa le: “Menyi be kumɔlga be jemanɛ kaŋ fo, meeŋ wu menyi kuwɔr nseŋ nu menyi be kabɔrɛkule. Meeŋ kuŋ menyi nseŋ mɔlga menyi. Meeŋ shin nɛ men ta kɔnɔ nɛ n nase nɛ k kɔ tama na n ya sa efuli pɔtɛana so ebi. Ma alɛ beeŋ naŋ shin nɛ men bɛta m ba chena menyi be kasawule nɛ k dese jiga na so.”

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 60:16

Efuli pɔtɛana be bewura nɛ bumo be basa beeŋ ta bumo be asɔ lela ŋ keni menyi be kadegboŋ na so, fanɛ kananɛ ebinio bee bela mbe mbia na. Saŋɛ na so nɛ men pin fanɛ ma, Enyɛnpetale Israɛl be Ebɔrɛ na e mɔlga menyi nseŋ sɔ menyi n yige.

Ezikɛl 34:11

Ma, Enyɛnpetale Ebɔrɛ na e naa kaŋɛ menyi na fanɛ ŋ gbagba e naŋ fin ma mbolpɔ nsaa keni bumo so

Ezikɛl 34:24

Saŋɛ na so nɛ ma Enyɛnpe Ebɔrɛ na e baa la bumo be Ebɔrɛ, nɛ ewura nɛ e du fanɛ ma kayɛrbi ewura Deevid na e baa la bumo be ejuŋkparpo. Ma, Enyɛnpe Ebɔrɛ e kaŋɛ na

Ezikɛl 37:14

Ma kiyoyu beeŋ sa bumo efute nɛ b nya ŋkpa m ba kaa wɔ bumo gbagba be kasawule so. Ndoŋ nɛ baaŋ pin fanɛ ma e la Enyɛnpe Ebɔrɛ nɛ n nase kɔnɔ fanɛ meeŋ wora loŋ na. Ma, Enyɛnpe Ebɔrɛ na e kaŋɛ na.”

Ezikɛl 37:28

Jemanɛ nɛ meeŋ yili ma bɔrɛlambu bumo to mbaanaayɔ na, nɛ efuliana na beeŋ pin fanɛ ma Enyɛnpe Ebɔrɛ na e lara Israɛlebi na ŋ ki ma basa.”

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.