Aizaaya 27:12 - EBƆRƐ BE KAWƆL

¹² Jemanɛ ko bee ba nɛ Enyɛnpe Ebɔrɛ na e yili Lɔrgboŋ nɛ baa tre Yufreetes na n ya fo Ijipt be egbaŋ to na ŋ gama mbe basa abar so fanɛ kananɛ baa beri ayu a chela to a deŋi abar so na.

Aizaaya 27:12 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

Nehemaya 1:9

Ama nɛ fanɛ an bɛta m ba fo kutɔ nseŋ wora kusɔ nɛ fo nase n sa anyi na bre, hale nɛ an pesaŋ to n sɔ durnya ere be efuli kikɛ so gba, feeŋ naŋ bɛta anyi m ba kakpa nɛ fo daŋ yili kumo fanɛ an baa shuŋ fo na.

Nshɛ 68:22

Enyɛnpe Ebɔrɛ na yɛ, e beeŋ lara bumo ashi Bashan be kebeegboŋ na so nɛ teku chiŋgeliŋ to m ba.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Aizaaya 17:6

Basa gbrɛbi ko e naŋ ji efute nɛ Israɛl e ki fanɛ ɔlif be kedibi nɛ b chuge kumo so be asɔrso kikɛ nseŋ ka anyɔ ŋko asa ko ashi kumo be awɔlto ŋko asɔrso gbrɛbi ko ashi kumo be kaseto be ayabi so na. Ma, Enyɛnpe, Israɛl be Ebɔrɛ na e kaŋɛ na.”

Aizaaya 49:5

Enyɛnpe Ebɔrɛ e lara ma n sa mbe kumu pɔɛŋ nɛ b kurge ma. Mo e lara ma fanɛ m baa la mbe kayɛrbi, saŋɛ na so meeŋ bɛta mbe basa Israɛlebi nɛ b pesaŋ to na m ba mo kutɔ. Enyɛnpe Ebɔrɛ na e shin nɛ n nya kemaŋkura; ma eleŋ bee shi mo kutɔ nna.

Aizaaya 56:8

Enyɛnpetale Ebɔrɛ nɛ e keta mbe basa Israɛlebi n shi kenyaya to ashi efuli pɔtɛ wɔfɔ so m ba na e nase kɔnɔ fanɛ e beeŋ bar basa pɔtɛ m ba ti bumo so.

Jɛremaya 3:14

Menyi basa nɛ men maŋ kɔ kashenteŋji ere, men bɛta m ba ma kutɔ. Ŋkpal manɛ so, men la ma basa nna. Meeŋ keni menyi be ndeana to nɛ kanaŋ be mbunaana to n lara basa koko ŋko benyɔnyɔ nɛ b juŋkpar menyi m bɛta m ba kebee nɛ baa tre Zayɔn na so.

Jɛremaya 44:28

Menyi to be gbrɛbi ko e naŋ nya ŋ gelge luwu nseŋ shi Ijipt m bɛta n yɔ Juda be efuli so. Aloŋ, bumo nɛ baaŋ ji efute na beeŋ pin ma nɛ menyi be mmalga be amo nɛ a la kashenteŋ.

Ezikɛl 20:34

Eleŋ nɛ tintiŋ nɛ agbogboŋ nɛ meeŋ ta n lara menyi ashi efuliana nɛ men pesaŋ to n yɔ na, m ba gama abar so.

Ezikɛl 20:41

Jemanɛ nɛ meeŋ naŋ lara menyi efuliana nɛ men pesaŋ to n yɔ to m bɛta m ba gama abar so na, ma kagbene beeŋ naŋ fuli menyi so nɛ n sɔ menyi be esarga fanɛ duwu nɛ a bee dufɛ viim na. Ndoŋ nɛ efuliana na kikɛ beeŋ wu fanɛ n du cheembi nna.

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Ezikɛl 47:19

Kasawule na be kelargato be kaseto be ekar beeŋ fara Tama be kade na nna ŋ keta n ya fo Kadɛsh Mɛriba be achubu na ashi kelargato be kaseto be epeŋilarkpa be kaba so nseŋ naŋ ta n sɔ kelargato be epeŋitɔrkpa be kaba so a shi Ijipt be gbaŋ to n ta ya fo Mɛditerenia be Teku ase.

Eemɔs 9:9

Meeŋ ponte nɛ b gbaŋgbaŋ Israɛl be basa fanɛ kananɛ baa gbaŋgbaŋ ayunyifu gbaŋgbande to a lara eyurpi amo to na. Meeŋ shin nɛ bumo be bumo nɛ baa ji kashenteŋ a sa ma e pesaŋ to n yɔ efuli pɔtɛana so.

Zakareya 8:7

Meeŋ mɔlga ma basa ashi efuliana nɛ a wɔ epeŋilarkpa nɛ epeŋitɔrkpa na

Luuk 15:4

nɛ kuko e foe nɛ e maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k foe na loŋ hale n ya wu kumo?

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Joshuwa 15:4

n naŋ bɔla Azmɔn n ya bɛ kabombi nɛ k dese Ijipt be kasawule be ekar na so n ya tar teku nɛ baa tre Mɛditerenia na. Ndoŋ e daa la Juda be kelargato be kaseto be kaba so be kasawule be ekar.