Aizaaya 27:1 - EBƆRƐ BE KAWƆL

¹ Kamɔnchɛ kaŋ fo, Enyɛnpe Ebɔrɛ na beeŋ ta mbe tokobi nɛ k kɔ eleŋ ga na ŋ gberge kusɔbɔya gbeyeso gboŋgboŋi nɛ k wɔ teku to nɛ baa tre kumo Liviatan na kusoe m mɔ kumo.

Aizaaya 27:1 ပူးပေါင်းရင်းမြစ်များ

Job be kawɔl 26:13

Mo e fute n shin nɛ esoso fulto, nɛ e ta mbe enɔana m mɔ kusɔkpaŋ nɛ k bee gbeye na.

Job be kawɔl 3:8

Sa belejipo ekpa nɛ b shoduu loŋ be kachɛ na. Bumo e naa tiŋ a shin nɛ teku to be kusɔbɔya gbeyeso gboŋgboŋi na bee nyaŋɛ to.

Job be kawɔl 40:19

Ma e to kumo nɛ k kɔ eleŋ a chɔ ma asɔ toso kikɛ, ama ŋ kraa chɔ kumo eleŋ.

Job be kawɔl 41:1

Feeŋ tiŋ n ta kɔrɔtɔ be dariwa m pɛ kusɔbɔya gboŋ lubi nɛ k wɔ teku to nna a? Ŋko ŋ kre kumo be kɔnɔ afɔl n nase a?

Nshɛ 104:26

Teku so nɛ ekuloŋgboŋ bee nite a yɔ a ba; Kubɔya lubi gboŋgboŋi nɛ baa tre Liviatan na gba wɔ teku to nna.

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 65:12

Menyi be kumulela beeŋ fo ekar nɛ m bugi ekpa n shin nɛ b ta etokobi m mɔ menyi. Ŋkpal manɛ so, ŋ ka tre menyi men kini keshuli nna; menyi alɛ maŋ naŋ wɔtɔ lakal kusɔ nɛ ŋ ŋini menyi na to. Ama asɔ nɛ ŋ kishi nɛ menyi alɛ nyi k ka la kulubi na nɛ men wora.”

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jɛremaya 47:6

Menyee shu a kaŋɛ le: ‘Enyɛnpe Ebɔrɛ be Tokobi! Saŋɛ mo nɛ feeŋ yige anyi be kemɔ? Bɛta n luri fo efar to n ya kaa wɔ kumo to a wushi!’

Jɛremaya 51:13

Efuli na so kɔ elɔr nɛ asɔ lela damta, ama kumo be saŋɛ fo nɛ kumo be kebaawɔtɔ a ku so.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Eemɔs 9:3

Hale b ŋana kebeegboŋ nɛ baa tre Kamɛl na be esoso gba, meeŋ fin bumo nseŋ pɛ bumo. Nɛ b ŋana tekugboŋ na be kaseto gba, meeŋ shin nɛ ebontojewu e duŋ bumo.

Kelaraŋŋini 12:3

Ndoŋ nna nɛ tɔɔnɛ be kusɔ ko malɛ naŋ lar ebɔrɛso. Kusɔ gbeyeso peper gboŋgboŋi ko nna nɛ k daa du fanɛ laŋchaŋ n daa kɔ amu ashunu nɛ alambɛ kudu nɛ nwurwuro ashunu malɛ wɔ mbe amu so.

Kelaraŋŋini 13:11

Ndoŋ nna nɛ n naŋ wu kusɔbɔya ko ka shi kasawule so n lar. E daa kɔ alambɛ anyɔ nna fanɛ Kpakpafɔlbi peya, ama mo alɛ daa malga nna fanɛ kusɔ gbeyeso gboŋgboŋi nɛ k du fanɛ laŋchaŋ na nna.

Kelaraŋŋini 13:4

Basa daa maŋ kusɔ gbeyeso na so nna ŋkpal e ka daŋ ta mbe eleŋ n sa kusɔbɔya na so nseŋ maŋ kusɔbɔya na gba so nseŋ bishi le: “Wanɛ malɛ e naa du fanɛ kusɔbɔya ere? Wanɛ e naaŋ tiŋ ŋ kɔ mo kena?”

Kelaraŋŋini 16:13

Ndoŋ nna nɛ n wu ayoyu lubi asa ko ka du fanɛ etaŋgbaga n shi kusɔ gbeyeso na nɛ kusɔbɔya juŋkparso na nɛ anebi fɛpo na be nnɔ to n lar.

Kelaraŋŋini 17:1

Ndoŋ nna nɛ emalaika ashunu mo nɛ b daa kɔ ntishaŋ ashunu na be eko ba ŋ kutɔ m ba kaŋɛ ma: “Ba nɛ ŋ ŋini fo kananɛ baaŋ gberge sakalechegboŋ na kusoe. Mo e chena nchu damtaana so na.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.

Kelaraŋŋini 19:21

Kumo be kaman nɛ b ta tokobi mo nɛ k daŋ shi gbaŋɛ na be ediipo na be kɔnɔ to n lar m mɔ bumo nɛ b daŋ ka na kikɛ nɛ mbuibi ba ji bumo be eyurana m moɛ ŋ kini.

Kelaraŋŋini 2:16

Amoso, men lar loŋ be alubi na to, nɛ mannɛ aloŋ, m maaŋ chɛr nseŋ ba menyi kutɔ m ba ta ma kɔnɔ to be tokobi m ba kɔ bumo.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.