Aizaaya 26:8 - EBƆRƐ BE KAWƆL

⁸ Anyee bɛ fo aparsheŋ so nna nsaa ta anyi be tama a to fo so. Fo nawule be ketre nɛ anyee sha fanɛ k baa nya kemaŋkura ashi anyi be ŋgbene to.

Aizaaya 26:8 ပူးပေါင်းရင်းမြစ်များ

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

Nshɛ 106:3

Kagbenefuli la bekama nɛ baa ji asheŋ nɛ amo be ekpa so nsaa wora asheŋ niŋiso jemanɛ kikɛ na peya nna.

Nshɛ 130:5

Ma kagbene kikɛ nɛ ŋ kɔ a jo Enyɛnpe Ebɔrɛ na! Ma tama kikɛ malɛ wɔ mbe kamalga na to nna.

Nshɛ 18:23

M maŋ naŋ wora n da mo so kikɛ. Saŋkama mee gelge alubi nna.

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Nshɛ 65:6

Fo e kɔ eleŋ nɛ yuku n ta abeegboŋ n yili amo be eyilikpa.

Nshɛ 73:25

M maŋ naa kɔ esa kikɛ ebɔrɛso n naŋ ti fo so. Ŋ ka baa kɔ fo ere, m maŋ naa sha shɛŋ durnya ere to.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Sɔlɔmɔn 5:8

Jerusalɛm be beche, meeŋ kaŋ wu n jipo, manɛ nɛ menyeeŋ kaŋɛ mo? Men kaŋɛ mo fanɛ kasha shin nɛ mee lɔ.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 26:13

Beko gba daŋ ji kuwura anyi so n ti fo, Enyɛnpe anyi be Ebɔrɛ na so, ama fo nawule nɛ anyee wora kasonu.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 51:4

Kumo be kaman nɛ Enyɛnpe Ebɔrɛ na naŋ kaŋɛ le: “Ma basa, men nu nfe! Men nu kusɔ nɛ mee kaŋɛ ere! Ma e naa ta ma keŋini a sa efuli pɔtɛana na; nɛ ma mbraana malɛ bee shin nɛ baa pin ma.

Aizaaya 56:1

Nɛ Enyɛnpe Ebɔrɛ na kaŋɛ mbe basa le: “Men baa wora kusɔ nɛ k daga nseŋ bɔla ekpa, ŋkpal manɛ so, k maaŋ chɛr nɛ m ba mɔlga menyi.

Maika 4:5

Efuli kama so ebi bee bunyaŋ nsaa wora bumo be kegbir kasonu nna, ama anyi ere beeŋ baa bunyaŋ nsaa wora Enyɛnpe anyi be Ebɔrɛ na kasonu nna mbaanaayɔ.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Malakai 4:4

Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.

Nɔmbɛs 36:13

Le be mbra ere nɛ Enyɛnpe Ebɔrɛ daŋ ta n sa Mosis fanɛ e sa Israɛlebi saŋɛ so nɛ b daŋ wora bumo be nyi to Mowab be keplasawule nɛ k mata Jɔɔdan be lɔr nɛ Jɛriko wɔ kumo be kaba ndoŋ na.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Ashuŋ Shunso 1:4

Kachako bumo kikɛ ba shɛr nɛ e sa bumo le be ebɔl: “Men sa maŋ kaŋ lar Jerusalɛm to. Men baa jo kakɛ nɛ ŋ kaŋɛ fanɛ n Tuto yɛ e beeŋ sa na.

Romebi 8:25

Ama nɛ an baa tama kusɔ nɛ anyi maŋ naŋ wu bre, kumo ere, kanyiti nɛ an kɔ a jo kumo.

2 Tɛsalɔnikaebi 3:5

Enyɛnpe na e ŋini menyi be ŋgbene Ebɔrɛ be kasha nɛ Kristo be kanyiti na.