Aizaaya 26:6 - EBƆRƐ BE KAWƆL

⁶ Naniere betirpo nɛ basa nɛ bedoŋ na daa kɔrfɛ na e naa chichi a chichi kakpa nɛ kadegboŋ na daa wɔ na so.

Aizaaya 26:6 ပူးပေါင်းရင်းမြစ်များ

2 Bewura 9:33

Nɛ Jehu ponte ŋ kaŋɛ bumo le: “Men ta Jɛzebel n lɛ tokuro na to!” Ndoŋ nna nɛ b ta mo n lɛ to nɛ egbaŋɛ chichi mo so nɛ mbe ŋklaŋ fiɛ egbal na nɛ egbaŋɛ nɛ b chichi mo so na. Nɛ Jehu dii mbe egbaŋɛturko n ya chichi mbe kebuni na so,

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 25:10

Enyɛnpe Ebɔrɛ na e naŋ kuŋ Zayɔn be kebee ere, ama e beeŋ chichi efuli nɛ baa tre Mowab na be basa so fanɛ ana ka chichi atuweklaŋ so n wɔtɔ depɔ to na.

Aizaaya 28:3

Bejuŋkparpo booso na be kusɔ nɛ baa puchi so beeŋ mur nɛ basa e baa chichi kumo a choŋ.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 3:14

E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Aizaaya 3:15

Menyi alɛ maŋ kɔ ekpa nɛ men nyaŋ ma basa n wɔtɔ nsaa ta betirpo fanɛ b maŋ la shɛŋ ŋkpal bumo be ketir so. Ma, Enyɛnpetale Ebɔrɛ na e kaŋɛ na.”

Aizaaya 37:25

Fo daŋ puchi fanɛ men daŋ kur atirbu ashi efuli pɔtɛana so nseŋ nuu amo to be nchu. Kumo be kaman menyi be benapo be aya gba chichi Lɔrgboŋ nɛ baa tre Nail na gba so nɛ k wɔlto.

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Jɛremaya 50:45

Amoso, men nu kusɔ nɛ ŋ kre a laŋɛ Babilɔn be kadegboŋ na be kaplɛa so nɛ kusɔ nɛ mee sha kewora kumo be basa. Bedoŋ beeŋ ba pɛ bumo be mbia katinso ŋ gberge bumo n yɔ efuli pɔtɛ wɔfɔ so nɛ bumo be efuli na a mur.

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Malakai 4:3

Kachɛ nɛ meeŋ ba ji asheŋ nɛ amo be ekpa so na, menyeeŋ pɔɔ belubiworapoana so nɛ b ki fanɛ menyi be aya to be shishɛr. Ma Enyɛnpetale na e malga na.

Luuk 10:19

Men nu nfe, n sa menyi eleŋ nɛ k tiŋ n shin nɛ men chichi awɔ nɛ nna so nseŋ pɔɔ edompo na be eleŋana kikɛ so nɛ shɛŋ maaŋ wora menyi.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

1 Kɔrintebi 1:26

Ŋ kurgepoana, men baa nyiŋi basa nɛ men daa la pɔɛŋ nɛ Ebɔrɛ tre menyi na. Edimɛdi be anishito menyi be bedamta daa maŋ la benyiashempo. Men be bedamta daa maŋ la bejuŋkparpo basa be anishito, bedamta malɛ daa maŋ shi kuwurji be kanaŋ kama to.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Joshuwa 10:24

n yɛr bumo Joshuwa be anishito. Nɛ e shin nɛ b dese kasawule, nɛ e tre Israɛlebi na kikɛ m ba mo kutɔ nseŋ kaŋɛ benapo be benimu nɛ mo nɛ bumo daŋ yɔ kena na to na fanɛ b chichi bewura na be abɔ so. Nɛ b wora loŋ.

Kelaraŋŋini 2:26

Esa kama nɛ e kɔ m pɔɔ so ŋkaa kɔ ma aworbi na to n ya fo lalaloge na, meeŋ sa amodoŋwura eleŋ nɛ k bee ji efuliana so

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.