Aizaaya 26:4 - EBƆRƐ BE KAWƆL

⁴ Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 26:4 ပူးပေါင်းရင်းမြစ်များ

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Job be kawɔl 9:19

Nɛ kela fanɛ eleŋ nna, Ebɔrɛ kɔ eleŋ a chɔ ma! Nɛ kela asheŋ be keji malɛ gba nna, wanɛ e naŋ tiŋ n tre Ebɔrɛ demujikpa?

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 55:22

Enyɛnpe Ebɔrɛ, an la fo basa nna nsaa kaŋɛ fo asheŋ nɛ a tir anyi. Fo alɛ maaŋ shin nɛ an kɔ n tɔr.

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Nshɛ 66:7

E kɔ mbe eleŋgboŋ nna a ji kuwura mbaanaayɔ, nɛ efuliana na maaŋ tiŋ n wora shɛŋ shɛŋ ŋ ŋana mo so. Amoso, amukpakpasowuraana maaŋ tiŋ ŋ kre kena ŋ kɔ mo.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 44:8

Men sa maa lɔ kufu, ma basa! Men nyi yili dra dra na kikɛ m ba fo mbre, ma e naa kaŋɛ asɔ nɛ e beeŋ baa wora kikɛ; menyi alɛ e la ma eshɛdajipoana. N nawule e la Ebɔrɛ, shɛŋ maŋ naa kɔ eleŋgboŋ fanɛ ma.”

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.