Aizaaya 26:14 - EBƆRƐ BE KAWƆL

¹⁴ Bumo kikɛ wu naniere nsaa maaŋ naa wɔ ŋkpa to. Bumo be abuniyoyu maaŋ naŋ koso kikɛ, ŋkpal fo ka gberge bumo kusoe nseŋ mur bumo so. Esa maaŋ naŋ nyiŋi bumo kikɛ.

Aizaaya 26:14 ပူးပေါင်းရင်းမြစ်များ

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Nshɛ 106:28

Ebɔrɛ be basa na be beko daŋ ya kaa bɛ kegbir nɛ baa tre Baal Piyɔɔ na so nna, nseŋ daa ji agbir be nlɔŋɛjibi.

Kelaraŋŋini 20:5

Bubuni mo nɛ b daŋ ka na bre daa maŋ tiŋi luwu to ama nfɛ kagboŋ na e ba choŋ.

Matiu 2:20

m ba kaŋɛ mo le: “Koso n ta kebia na nɛ mo nio m bɛta n yɔ Israɛl be kasawule so, ŋkpal manɛ so, basa nɛ b daa sha kemɔ mo na wu.”

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Nshɛ 109:13

Ebɔrɛ e shin nɛ mbe kanaŋ nɛ kaman to ebi kikɛ e mur kuraa; nseŋ shin nɛ b teŋ bumo be atre so hale mbaanaayɔ.

Nshɛ 9:6

Ama doŋana mur cheche. Fo jija bumo be ndeana kikɛ, nɛ esa kikɛ maaŋ naŋ nyiŋi bumo hale mbaanaayɔ.

Ditɛronɔmi 4:28

Menyi alɛ beeŋ ya shuŋ agbir nɛ edimɛdi ta ndibi nɛ ajembu n lɔŋɛ ashi efuli pɔtɛana na so ndoŋ. Amo alɛ maŋ la shɛŋ, a maa wu ŋko a nu ŋko a ji ajibi ŋko a nu efɛa.

Ɛksodɔs 14:30

Kumo be kamɔnchɛ nɛ Enyɛnpe Ebɔrɛ mɔlga Israɛlebi na ashi Ijiptebi na be enɔ to nɛ b wu Ijiptebi na ka wu a deŋ a deŋ teku na be ekarso.

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Nshɛ 36:12

Keni kakpa nɛ belubiworapoana, tɔr a dese. Bumo alɛ maaŋ naŋ tiŋ n wora shɛŋ kikɛ.

Nshɛ 59:5

Enyɛnpetale Israɛlebi be Ebɔrɛ, niŋi to ŋ gberge efuli pɔtɛana na be basa kikɛ kusoe. Sa maŋ wu basa lubi, nɛ baa mɔ basa na kuwɔr.

Nshɛ 135:17

A kɔ asoe, amo alɛ maaŋ tiŋ n nu asheŋ; a maaŋ tiŋ n fute gba kuraa.

Kaŋinichiŋgeliŋ 9:5

Kashenteŋto, basa nɛ b wɔ ŋkpa to nyi b ka beeŋ wu, ama basa nɛ b wu bre maŋ naa nyi shɛŋ. Kusɔ lela kikɛ maŋ naa wɔtɔ n sa bumo; bumo ere choŋ nna na, nɛ b teŋ bumo so.

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Aizaaya 37:19

Bumo alɛ daŋ naŋ chɔɔ efuliana na be agbirana nɛ b ta ndibi nɛ ajembu n lɔŋɛ a shuŋ nna.

Job be kawɔl 7:9

Kananɛ abɔrɛwɔlpa bee deŋi nsaa choŋ na, a loŋ nɛ basa bee wu nsaa maŋ naa bɛta a ba.

Job be kawɔl 18:17

Bumo ere choŋ nɛ ekama teŋ bumo so nna na.

Job be kawɔl 24:20

Bumo nioana gba maaŋ naŋ nyiŋi bumo, ashushombi beeŋ ji bumo m mur fanɛ kedibi ka bu n tɔr nɛ kaŋkaŋ muu kumo na.