Aizaaya 25:3 - EBƆRƐ BE KAWƆL

³ Basa nɛ b wɔ efuli lempoana so beeŋ kpaŋ fo; nɛ bumo nɛ b wɔ ndegboŋana nɛ a wɔ efuliana nɛ b maa wu kuwɔr na to e ŋana fo.

Aizaaya 25:3 ပူးပေါင်းရင်းမြစ်များ

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Aizaaya 29:5

Afu beeŋ ber befɔ kama nɛ baa kɔ fo, Jerusalɛm, na n yɔ fanɛ kalabɛr na, nɛ bumo be benapo nɛ bumo be asheŋ kɔ kufu na e firgi n choŋ fanɛ amimi na. Jemanɛ nɛ ekama maa tama fanɛ kusɔ ko beeŋ wora na

Ezikɛl 38:23

Kananɛ meeŋ ŋini efuliana na kikɛ ma keshi nɛ kecheembiya nna na. Aloŋ nɛ baaŋ pin fanɛ ma e la Enyɛnpe Ebɔrɛ na.”

Maika 7:17

Kumo be kaman nɛ b dese kasawule a gbeye fanɛ awɔ nsaa chicha kufuso a lar mboŋ lempoana nɛ b daa wɔtɔ to na. Bumo alɛ beeŋ kilgi kufuso m bɛta m ba Enyɛnpe Ebɔrɛ na kutɔ.

Zakareya 14:16

Kumo be kaman nɛ basa nɛ baaŋ ji efute ashi efuli pɔtɛana nɛ b daŋ kɔ Jerusalɛm kena na e baa yɔ Jerusalɛm to kafɛ kikɛ n ya kaa bunyaŋ Enyɛnpetale Ebɔrɛ na fanɛ bumo be ewura nsaa ji Abuu to be Kachɛgboŋ na.

Zakareya 14:9

Loŋ be jemanɛ na, Enyɛnpe Ebɔrɛ na e naaŋ baa ji durnya kikɛ so kuwura. Mo nawule be ketre nɛ ekama beeŋ baa nyi nsaa bunyaŋ mo nawule fanɛ Ebɔrɛ.

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.