Aizaaya 24:8 - EBƆRƐ BE KAWƆL

⁸ Kagbenefuliso be nshɛ nɛ b daa laŋ ejaŋjilaŋ nɛ ŋkure a boŋ na kikɛ kuu.

Aizaaya 24:8 ပူးပေါင်းရင်းမြစ်များ

Job be kawɔl 3:7

Sa maŋ naŋ shin nɛ b kurge ebi le be kachɛ fanɛ kede ere, ŋko n naŋ shin nɛ kusɔ ko e wora nɛ basa e baa wora awɔr kagbenefuli so loŋ be kanyɛ kikɛ mbaanaayɔ.

Job be kawɔl 30:31

Mboŋ nɛ n daa nu kagbenefuli be nshɛ na, kushu nɛ kagbenejija be awɔr nɛ mee nu ndoŋ.

Nshɛ 137:2

An daŋ ta anyi be ejaŋjilaŋ n shiga ndibi nɛ a mata ndoŋ na so nna.

Aizaaya 16:10

Esa kama b kagbene maŋ fuli ŋkpal nsawule na ka maŋ naa wora adɔjibi ga na so. Esa kikɛ maa boŋ nshɛ ashi waindibi be adɔana to. Ekama maŋ naa nya afeelebi be asɔrso nɛ baa tre greeps na a wora nsa. Esa kama maŋ naa nu kagbenefuliso be awɔr gba kuraa.

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Jɛremaya 16:9

Kaŋ kusoe n nu kusɔ nɛ ma, Enyɛnpetale, Israɛl be Ebɔrɛ na kɔ nɛ ŋ kaŋɛ nseŋ kpele Juda be basa kusoe fanɛ meeŋ shin nɛ kagbenewushi nɛ kagbenefuli be nshɛ nɛ kejafɔ to be awɔr nɛ baa kaa chɛ na e fo ekar.

Jɛremaya 25:10

Ma alɛ beeŋ shin nɛ kejafɔ to be kejigboŋ nɛ kagbenefuliso be awɔr nɛ baa wora ashi kasawule na so kikɛ e fo ekar. Esa kama maŋ naŋ nya ayu ŋ kɔr n wora ajibi n ji ŋko n nya ŋku n wɔtɔ fitila to n chɔɔso kanyɛso.

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Nfabel 5:14

Basakpar maŋ naa chena kadegboŋ na be mbunagboŋana na ase a ji asheŋ. Mbifɔlbi malɛ gba maŋ naa boŋ nshɛ.

Ezikɛl 26:13

Nɛ n shin nɛ nshɛ nɛ menyee boŋ a cha awɔr na e ku nɛ esa maaŋ naŋ nu menyi be ejaŋjilaŋ be kushu kikɛ.

Ezikɛl 28:13

K daa du fanɛ Ebɔrɛ be kudɔbi nɛ baa tre Iden na to nɛ fo daa wɔ. Yawu kpakpaso be asɔ lela nyɛkpɛso be yiri yiri fanɛ shuwa be abitasɔ nɛ fo daa ta a mɛa to. Kachɛ nɛ b kurge fo na nɛ b bela amo kikɛ ase n sa fo.

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.

Eemɔs 6:7

Amoso menyi nɛ men doŋana beeŋ juŋkpar n tintiŋ n yɛr efuli pɔtɛ so kufɔ kufɔ nɛ men be ajigboŋ nɛ menyee wora nɛ kedese a wushi ere kikɛ e ba ekar.

Kelaraŋŋini 18:22

Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.