Aizaaya 24:6 - EBƆRƐ BE KAWƆL

⁶ Amoso Ebɔrɛ sho durnya na kɔnɔ nna nɛ kumo to be basa bee wu ŋkpal bumo be alubi so.

Aizaaya 24:6 ပူးပေါင်းရင်းမြစ်များ

2 Bewura 24:12

nɛ ewura Jehowachin nɛ mo nio nɛ mbe mbinyɛnsobiana nɛ mbe ekrachiana nɛ ewurkpa be benimuana na kikɛ tuba n ta bumo be amu n sa Babilɔnebi na. Nebukadneeza be kuwurji be kafɛ burwasopo to nɛ e pɛ ewura Jehowachin n ya ti ebu,

2 Bewura 25:12

Ama e daŋ yige betirpo gbagba nɛ b maŋ kɔ kapetɛ kikɛ na bre nna ashi Juda be efuli so nɛ b baa shuŋ ndibi sɔrso nɛ adɔjibi be adɔana to.

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Aizaaya 43:28

Amoso nɛ n daa maŋ shin nɛ menyi be bɔrɛmatapoana shuŋ ma ashi ma bɔrɛlambu to na. Ma alɛ e daŋ shin nɛ Israɛl be efuli mur nɛ menyi be basa ji anishinyɔr na.”

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Aizaaya 9:19

Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Ezikɛl 5:3

Ama pɔɛŋ nɛ fo wora loŋ fo lara emin na be gbrɛbi n da fo piŋi be kɔnɔ.

Levitikɔs 26:22

Meeŋ shin nɛ asɔbɔya lubi e luri menyi to m mɔ menyi be mbia nseŋ mur menyi be asɔbɔya. Menyi be basa gbrɛbi ko e naaŋ ka, saŋɛ na so nɛ menyi be agbembi e dese fuloŋ.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Malakai 3:9

Kɔnɔsho wɔ menyi kikɛ so ŋkpal manɛ so efuli na kikɛ bee yuri ma nna.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Malakai 4:6

E beeŋ naŋ ba shin nɛ bekurgepo nɛ bumo be mbia e wora ebel saŋɛ na so nɛ ŋ kaŋ ba, maaŋ mur menyi be efuli na.”

Matiu 27:25

Nɛ basa na kikɛ kaŋɛ: “Mm, mbe ŋklaŋ e baa wɔ anyi nɛ anyi be mbia so.”

Matiu 7:14

Ama ekpa nɛ k bee yɔ ŋkpa to na maŋ kpalga to nɛ kumo be kabuna malɛ maŋ shi. Basa nɛ baa nya kumo a nite to na malɛ maŋ shi.

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

Ditɛronɔmi 28:62

Kananɛ men wora keshi a du fanɛ achɛkpabi ka wɔ awɔlpa so ere, nɛ men kaŋ kini kewora Enyɛnpe menyi be Ebɔrɛ na kasonu, menyi to be basa gbrɛbi e naaŋ ka a wɔ ŋkpa to.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

2 Pita 3:10

Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.