Aizaaya 24:5 - EBƆRƐ BE KAWƆL

⁵ Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 24:5 ပူးပေါင်းရင်းမြစ်များ

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

2 Bewura 21:12

Amoso ma Enyɛnpe Israɛl be Ebɔrɛ na beeŋ shin nɛ jɛrbi e ba Jerusalɛm to nɛ Juda be efuli so, nɛ k chinchiŋ esa kama nɛ e beeŋ nu kumo be asheŋ ga.

2 Bewura 21:15

Ŋkpal manɛ so ma basa Israɛlebi wora alubi ŋ gbiti ma nseŋ wɔtɔ ma agbo to yili saŋɛ nɛ bumo nananyɛnana lar Ijipt m ba fo kabre.”

2 Kronikɛls 33:9

Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

Nshɛ 105:10

Enyɛnpe Ebɔrɛ na nɛ an nananyɛn Jeekɔb gba daŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ nna.

Nshɛ 55:5

Kufu gboŋgboŋi nɛ kechicha chicha tɔr ma so nna nɛ ma kagbene maŋ dese ma kuraa.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Aizaaya 33:8

Esa kikɛ daa maŋ naa yɔ enite to nɛ ekpaana na kikɛ dese fuloŋ. Basa maŋ naa wora a bɔlɔ kɔnɔkoŋwule be ŋkre so. Bumo alɛ maaŋ naa sa esa kama nɛ e bee bɛ mbe nnɔ naseso so bunyaŋ.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Ezikɛl 20:24

Ŋkpal manɛ so, b daŋ kini kebɛ ma mbraana nɛ atande so nsaa maŋ ta ma Kewushiachɛ na n tre sheŋ nna. Bumo tutoana be agbirana e daŋ bɔlɔ bumo kenishi ga nɛ b daa shuŋ amo.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Danɛl 9:10

O Enyɛnpe, anyi be Ebɔrɛ, an daa maŋ nu n sa fo mbra nɛ fo bɔla fo nyɛrbi fo anebiana so n sa anyi fanɛ an baa bɛ so na.

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Levitikɔs 20:22

Ade be kaman nɛ Enyɛnpe Ebɔrɛ na naŋ kaŋɛ, “Men baa nu nsaa bɛ ma mbraana nɛ atande nɛ n yili n sa menyi na kikɛ so, saŋɛ na so, Keenan be kasawule nɛ m bar menyi kumo so na maaŋ kini menyi n lɛ.

Maika 2:10

Men koso a yɔ! Nfe maŋ la kakpa nɛ menyeeŋ chena n wushi. Ŋkpal manɛ so, menyi be alubi shin nɛ k wora eyurpi nseŋ ki kakpa nɛ k beeŋ mur.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 9:1

To, sososo be kɔnɔkoŋwule be ŋkre na gba daa kɔ kumo be atande nna nɛ basa daa bɔla so a bunyaŋ Ebɔrɛ nseŋ daŋ naa kɔ kasawule so be kakpa cheembi.

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”

Joshuwa 24:25

Loŋ be kachɛ na nɛ Joshuwa nase kɔnɔ n sa basa na nseŋ yili Shɛkɛm n sa bumo mbra nɛ baaŋ baa bɛ so.