Aizaaya 24:4 - EBƆRƐ BE KAWƆL

⁴ Kasawule wɔl a baŋɛ to, nɛ durnya kikɛ ki kakpa nɛ basa nɛ b kɔ eyilikpa nɛ bumo nɛ b maŋ kɔ eyilikpa kikɛ wu m bɛ.

Aizaaya 24:4 ပူးပေါင်းရင်းမြစ်များ

Aizaaya 24:21

Enyɛnpe Ebɔrɛ na beeŋ gberge esoso be eleŋana nɛ durnya to be bewuraana kusoe.

Aizaaya 24:3

Durnya na beeŋ jija nseŋ mur kuraa. Enyɛnpe Ebɔrɛ na e kaŋɛ; kumo alɛ beeŋ wora loŋ.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Aizaaya 33:9

Nsawule kikɛ wɔl a dese jiga. Lebanɔn be kupo na wɔl ŋ gbaŋgbaŋ afantaŋ nɛ Sharɔn be ketaŋɛ lela na ki fanɛ keshishɛrsawule. Ndibi nɛ a wɔ Bashan nɛ kebee nɛ baa tre Kamɛl na so gbaŋgbaŋ amo be afantaŋ.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 1:10

Nfe be adɔsawule kikɛ nyam jija nsaa maŋ naa kɔ tɔnɔ. Nsawule kikɛ wɔl nɛ asɔ duuso kikɛ mur. Asɔrso popɔrbi kikɛ wɔl, nɛ ŋku loge.