Aizaaya 24:3 - EBƆRƐ BE KAWƆL

³ Durnya na beeŋ jija nseŋ mur kuraa. Enyɛnpe Ebɔrɛ na e kaŋɛ; kumo alɛ beeŋ wora loŋ.

Aizaaya 24:3 ပူးပေါင်းရင်းမြစ်များ

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Aizaaya 21:17

Bumo to be benapo nɛ baa ta ata a kɔ kena na e la basa nɛ b kɔ kenyɛn, ama bumo to be gbrɛbi e naaŋ ka a wɔ Kɛda be kebonfu to ndoŋ. Ma, Enyɛnpe Israɛl be Ebɔrɛ na e kaŋɛ na.”

Aizaaya 22:25

Naniere bre keyir na gbir kasawule to kpakpa nna na, ama kachako bee ba nɛ k gbuŋgbuŋ n tia n tɔr. Saŋɛ na so asɔ kama nɛ amo be egbɛ daa deŋ kumo so na gba beeŋ mur.” Kusɔ nɛ Enyɛnpe Ebɔrɛ na kaŋɛ nna na.

Aizaaya 24:1

Enyɛnpe Ebɔrɛ na bee sha kejija durnya kikɛ nna nɛ k dese fuloŋ fanɛ kiyitokpaŋ na. E beeŋ melgi durnya na m buu nseŋ pesaŋ kumo be basa to.

Aizaaya 24:2

Kesheŋ koŋwule na e naaŋ tu bɔrɛmatapoana nɛ bumo be basa, nɛ anya nɛ bumo nyɛnpeana, nɛ basa nɛ baa tɔ nɛ bumo nɛ baa fa asɔ, nɛ basa nɛ baa paŋ asɔ nɛ bumo nɛ baa ta asɔ a paŋ basa, nɛ damawuraana nɛ betirpo kikɛ.

Aizaaya 24:4

Kasawule wɔl a baŋɛ to, nɛ durnya kikɛ ki kakpa nɛ basa nɛ b kɔ eyilikpa nɛ bumo nɛ b maŋ kɔ eyilikpa kikɛ wu m bɛ.

Aizaaya 42:22

Ama naniere mbe basa ki basa nɛ beko suge bumo be asɔ eleŋso nna, nseŋ ta bumo kikɛ n wɔtɔ emaŋ chiŋgeliŋ to ŋko n ti ebu nɛ esa kikɛ maaŋ tiŋ n lara bumo. Beko daŋ suge asɔ kama b daa kɔ nna nɛ esa kama malɛ daa maŋ wɔtɔ nɛ e kɔ n sɔ amo n sa bumo.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 13:15

Juda be basa, Enyɛnpe Ebɔrɛ na e naa malga na! E yɛ men bar menyi be amu kaseto nseŋ nu n sa mo.

Ezikɛl 36:4

Amoso naniere kusɔ nɛ ma Enyɛnpetale Ebɔrɛ na bee kaŋɛ menyi abeegboŋ nɛ abeebi nɛ eboŋana nɛ ataŋɛ nɛ mboŋ nɛ a bure a dese nɛ ndegboŋ nɛ basa shile amo to nɛ efuliana nɛ a kulti menyi na ba muu amo to be asɔ n yɔ nseŋ wora menyi eyurto na kikɛ nde.

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.

Ditɛronɔmi 29:28

Enyɛnpe Ebɔrɛ na daŋ nya agbo ga nna nseŋ lara bumo ashi bumo gbagba be kasawule so n ya lɛ efuli pɔtɛ nɛ b wɔ kumo so kabre ere so.”