Aizaaya 23:9 - EBƆRƐ BE KAWƆL

⁹ Enyɛnpetale Ebɔrɛ na e daŋ kre kumo fanɛ e beeŋ shin nɛ bumo be mpuchi nɛ baa puchi ŋkpal kusɔ nɛ b tiŋ n wora so na e ba ekar nɛ e ŋaba bumo be bunyaŋwuraana.

Aizaaya 23:9 ပူးပေါင်းရင်းမြစ်များ

Job be kawɔl 12:21

Mo e naa shin nɛ bewurgboŋ bee ji anishinyɔr, nsaa shin nɛ bumo be yuku bee ba ekar.

Nshɛ 107:40

Ama Enyɛnpe Ebɔrɛ na beeŋ sɔ menyi be kɔnɔ so ŋ kɔ basa nɛ b daŋ pɔɔ menyi so na n shin nɛ b baa nite cham cham keshishɛrsawule so.

Ɛksodɔs 8:4

Epulo na beeŋ ba kaa dii fo nɛ fo basa nɛ beyaasepo kikɛ so.”

Aizaaya 10:33

Ama Enyɛnpetale Ebɔrɛ na beeŋ shin nɛ b ber ase fanɛ b ka ku kedibi be keyabi nɛ k tɔr to na. Bumo to be bumo nɛ baa puchi ga nsaa maŋ bumo be amu so na nɛ e beeŋ da n lɛ nɛ b ji nyɔmɔ.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 14:24

Kumo be kaman nɛ Enyɛnpetale Ebɔrɛ na bɔ ntaŋ ŋ kaŋɛ le: “Kusɔ nɛ n yili ma kagbene to fanɛ meeŋ wora na gbagba nɛ meeŋ wora.

Aizaaya 14:26

Ŋkre nɛ ŋ kɔ n sa durnya to ebi nna na. Ma alɛ kraa shin nɛ ŋ gberge efuliana na kusoe nna.”

Aizaaya 14:27

Enyɛnpetale Ebɔrɛ na e yili kumo mbe kagbene to fanɛ e beeŋ wora ade kikɛ. Esa kikɛ malɛ maaŋ tiŋ ŋ kuŋ mo ekpa fanɛ e sa maŋ wora amo.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:12

Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 23:10

Tayɛebi, men ya kaa dɔ menyi be kasawule na so fanɛ kananɛ Ijiptebi bee dɔ Nail be lɔrgboŋ na be ekarso na, ŋkpal manɛ so, menyi maŋ naa kɔ kakpa nɛ men baa yili menyi be ekuloŋgboŋana.

Aizaaya 32:13

nɛ ewi be yiri yiri kɔr ma basa be nsawule so so. Men baa shu anishichubi ŋkpal kagbenefuli nɛ k maŋ naa wɔ basa be elaŋ to ashi kadegboŋ nɛ kebaawɔtɔ daa nite nɛnɛ kumo to na so.

Aizaaya 5:13

Ŋkpal loŋ so menyi maŋ nyi shɛŋ a laŋɛ mbe kaplɛa so. Amoso men doŋana beeŋ ba pɛ menyi be galeŋga ŋ ki anya katiŋ so n yɔ efuli pɔtɛ so. Akoŋ beeŋ mɔ menyi be bejuŋkparpoana nɛ achukoŋ e mɔ basa damta malɛ.

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Jɛremaya 13:9

“Kananɛ meeŋ mur Juda nɛ Jerusalɛm be basa be kamoowu nɛ b kɔ na nna na.

Jɛremaya 51:62

Kumo be kaman nɛ fo kule Ebɔrɛ ŋ kaŋɛ: ‘O Enyɛnpe Ebɔrɛ, fo e nase kɔnɔ fanɛ feeŋ mur efuli ere nseŋ shin nɛ k ki keshishɛrsawule nɛ edimɛdi ŋko asɔbɔya maaŋ naa wɔ kumo so kikɛ.’

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Obadaya 1:2

Le nɛ Enyɛnpetale na kaŋɛ Edɔm: “Meeŋ shin nɛ fo ki epɔshipo nɛ ekama nyam e keni fo jiga.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 3:11

Ebɔrɛ wora loŋ nna ŋkpal mbe kesheŋ naseso nɛ e bɔla an Nyɛnpe Kristo Yesu so n wora dra dra na kikɛ so.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”