Aizaaya 22:12 - EBƆRƐ BE KAWƆL

¹² Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 22:12 ပူးပေါင်းရင်းမြစ်များ

2 Kronikɛls 35:25

Ndoŋ nna nɛ anebi Jɛremaya wora ewura Josaya be keeli be kashɛ. Israɛl be benyɛn nɛ beche kra boŋ kashɛ na a nyiŋi ewura Josaya be luwu saŋkama. Loŋ be kashɛ na wɔ Israɛlebi be nli be nshɛ be kawɔl to.

Ɛzra 9:3

Ŋ ka nu loŋ be kubɔya na nɛ kpɛa ma piŋi to nseŋ gberge ma kumu so nɛ katɔl be emin n tia nseŋ chena kagbenejija to.

Nehemaya 9:9

An nanaana ka daa wɔ Ijipt be efuli so na, fo daŋ wu awurfoŋ nɛ b daa ji. B ka ya fo Teku Peper na ase nɛ b shu a fin fo kechɛto, nɛ fo alɛ nu bumo be kushu nseŋ chɛ bumo to.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Kaŋinichiŋgeliŋ 3:11

Mo e yili jemanɛ nɛ k daga n sa kusɔ kikɛ. Mo e sa anyi nfɛra nɛ anyee pin kusɔ nɛ k beeŋ wora echefoso. Amo nɛ amo kikɛ an kra maa pin mbe nfɛra chiŋgeliŋ na to a loge.

Kaŋinichiŋgeliŋ 3:4

Mo e yili kagbenejija nɛ kagbenefuli be saŋɛ, nseŋ yili kushu keli nɛ keji eyur be saŋɛ.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 26:10

Kuwɔr nɛ fo wu kumu kpakpasowuraana ere kikɛ be kaman, b kraa maŋ naŋ koya kewora kusɔ nɛ k daga. Basa nɛ b niŋi gba be kasawule so nfe b kraa wora asheŋ lubi nna nseŋ kini kewu fo, Enyɛnpe Ebɔrɛ na be kemaŋkura.

Aizaaya 29:1

Asheŋ maaŋ nyalɛ n sa Jerusalɛm, kakpa nɛ ma bɔrɛsure na wɔ nɛ k la kadegboŋ nɛ Deevid daŋ chena kumo to na! Kumo to be basa beeŋ tiŋ a ji bumo be nchɛgboŋ kafɛ kafɛ kikɛ.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Aizaaya 32:11

Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Aizaaya 37:1

Ewura Hɛzekaya ka nu kubɔya nɛ Asiriya be benapo be ejuŋkparpo kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta keeli be asɔbuuso m buu n yɔ Enyɛnpe Ebɔrɛ na be bɔrɛlambu to.

Aizaaya 37:2

Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 16:8

Fo alɛ e sa maŋ ta keya n cha laŋ kama nɛ baa ji a nuu nsaa ji eyur kumo to n ya tu bumo n ji nseŋ nuu.

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Ezikɛl 27:31

Bumo alɛ beeŋ she bumo be amu ŋkpal fo so, nseŋ buu kagbenejijaso be asɔbuuso a ŋini bumo be kagbenejija. Baaŋ ta kagbenejija damta n shu ga ŋkpal fo so

Danɛl 5:1

Kumo be kaman nɛ ewura Bɛlshaaza malɛ ki Babilɔn be ewura. Kachako nɛ e wora kejigboŋ n tre mbe bewurbi, nɛ mo nɛ bumo kikɛ chena a nuu nsa.

Hoziya 9:1

Israɛlebi, men yige kebaaji eyur fanɛ nnyamase na. Men shile menyi be Ebɔrɛ nsaa maŋ naa ji kashenteŋ a sa mo kuraa. Kaplɛkama malɛ nɛ baa bri ayu, ndoŋ nɛ menyee wora menyi be amu fanɛ esakale na a shuŋ kegbir nɛ baa tre Baal na ŋkpal kusɔ nɛ menyee nya so!

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Jowɛl 1:8

Men baa shu ebesa so fanɛ kasuŋgurbia nɛ mo jipo nɛ e bee shin nɛ e ta mo ka wu ŋ ka mo nɛ e tase kagbenejijaso a shu keeli na.

Jowɛl 2:12

Ama naniere Enyɛnpe Ebɔrɛ na yɛ: “Men lar men be alubi to m bugi men be ŋgbene n sa ma kashenteŋto nseŋ ta ekishi nɛ anishichubi nɛ ŋgbenejija be kushu m bɛta m ba ma kutɔ.

Jowɛl 2:17

Men shin nɛ bɔrɛmatapoana nɛ baa shuŋ Enyɛnpe Ebɔrɛ na e shɛr bɔrɛlambu na to be bɔrɛsure na be kabuna to n shu ŋ kule Ebɔrɛ ŋ kaŋɛ le: ‘Enyɛnpe Ebɔrɛ, wu fo basa kuwɔr. Sa maŋ shin nɛ efuli pɔtɛana so ebi e wora anyi eyurto, nseŋ bishi anyi fanɛ, men be Ebɔrɛ na wɔ nnɛ naniere?’ ”

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Jona 3:6

Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.

Maika 1:16

Judaebi, men she men be amu ŋkpal kagbenejija nɛ k beeŋ tu menyi ŋkpal men be mbia shasoana so. Men she men be amu kɔlikɔli fanɛ ejita be amu na ŋkpal manɛ so, baaŋ pɛ men be mbia shaso ŋ ki anya n yɔ efuli pɔtɛ wɔfɔ so.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.