Aizaaya 22:11 - EBƆRƐ BE KAWƆL

¹¹ men daŋ pɔr nchu be eyilikpa nna ashi kadegboŋ na to n sɔ nchu nɛ a shi kepa dra na to a ba na n yili. Ama men daŋ maŋ laŋɛ menyi be lakal Ebɔrɛ nɛ e kre ade kikɛ dra dra na kikɛ pɔɛŋ nɛ a bee wora ere bre so.

Aizaaya 22:11 ပူးပေါင်းရင်းမြစ်များ

2 Bewura 20:20

B daŋ sibɛ Hɛzekaya be kenyɛn nɛ e daŋ ji nɛ kananɛ e shin nɛ b gberge nchu m ba kadegboŋ na to be asheŋ kikɛ nna n wɔtɔ Juda be bewura be adrasheŋ be nwɔl to.

2 Bewura 25:4

Loŋ be kafɛ na to nɛ Babilɔn be benapo na daŋ bure kade na be egbal n luri kade na to, nɛ ewura Zɛdikaya nɛ mbe benapo shile m bɔla kabunabi nɛ k wɔ kade na be egbal anyɔ be kefɛato a mata bewura be kambɔl na n sɔ Jɔɔdan be lɔr na be ketaŋɛ to be kaba so.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Nehemaya 3:16

Azbuk pibinyɛn Nehemaya nɛ e daa keni Bet Zur be kebonfu na be bargato so na malɛ e lɔŋɛ m pɔr egbal nɛ k bɛ so na, hale n ya fo kakpa nɛ baa puli bewura nɛ baa tre ndoŋ ewura Deevid be nchaŋ ase nɛ kepa nɛ b kur na nɛ benapo be echenakpa na ase.

Aizaaya 17:7

Loŋ be kachɛ na kaŋ fo, basa beeŋ bɛta n yɔ bumo be etopo nɛ e la Israɛl be Ebɔrɛ cheembi na kutɔ n ya fin kechɛto.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Aizaaya 7:3

Ndoŋ nna nɛ Enyɛnpe Ebɔrɛ na kaŋɛ anebi Aizaaya le: “Keta fo pibinyɛn nɛ baa tre Shiya Jashub nɛ kumo be kifito la Basa gbrɛbi e naaŋ bɛta m ba na, nɛ men yɔ ewura Ahaz kutɔ. Menyeeŋ ya wu mo ashi ekpa nɛ k dese m mata kɔrɛwuraana na be eshuŋkpa nɛ k wɔ nchu be kubɔr nɛ k shi esoso a ba kadegboŋ na be lalaloge to na ase.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Jɛremaya 39:4

Ewura Zɛdikaya nɛ mbe esoji ka wu kusɔ nɛ k bee wora na nɛ b wora ania fanɛ baaŋ lar kadegboŋ na to kanyɛso n shile m mɔlga bumo be amu. Ewura be kudɔbi na to nɛ b daŋ bɔla n ya bɔla kabunabi nɛ k daa wɔ kadegboŋ na be egbal anyɔ na be nferinto na to n sɔ ekpa nɛ k bee yɔ Jɔɔdan be Lɔrgboŋ na be ketaŋɛ to be kaba so na a shile a mɔlga bumo be amu.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.