Aizaaya 21:4 - EBƆRƐ BE KAWƆL

⁴ Ndoŋ nna nɛ ma nfɛra wul ma to nɛ kufu pɛ ma ga nɛ mee chicha. N daa yɛlga fanɛ kaaseso e fo manaŋ nna nɛ ma eyur e wushi ma, ama kaaseso ka fo nɛ kusɔ nɛ k chɔ loŋ naŋ tu ma.

Aizaaya 21:4 ပူးပေါင်းရင်းမြစ်များ

1 Bewura 1:49

Adonija nɛ basa nɛ mo nɛ bumo tase a ji na ka nu loŋ na nɛ kufu pɛ bumo nɛ bumo kikɛ janto nɛ ekama pɛ mbe ekpa n choŋ.

Ɛsta 5:12

Kede be kaman nɛ Heman naŋ kaŋɛ: “Asɔ damta gba kraŋ ti so, ma nɛ ewura nawule nɛ ewurche Ɛsta tre mbe kejigboŋ to, e maŋ tre esa kikɛ n ti anyi so. E yɛ echefo gba an naaŋ ba tu mo n ji.

Nshɛ 55:5

Kufu gboŋgboŋi nɛ kechicha chicha tɔr ma so nna nɛ ma kagbene maŋ dese ma kuraa.

Nshɛ 55:6

N daa kɔ atɛ fanɛ keli nna, n daa beeŋ firgi n yɔ kakpa nɛ meeŋ nya kagbenewushi.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 51:39

Akoŋ ka kɔ bumo ere bre, meeŋ wora kejigboŋ n sa bumo. Baaŋ ji bumo be amu nseŋ boo; kumo be kaman nɛ b dese n di, nsaa maaŋ naŋ koso kikɛ!

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Danɛl 5:1

Kumo be kaman nɛ ewura Bɛlshaaza malɛ ki Babilɔn be ewura. Kachako nɛ e wora kejigboŋ n tre mbe bewurbi, nɛ mo nɛ bumo kikɛ chena a nuu nsa.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Danɛl 5:5

Epul to nɛ dimɛdi be enɔ lar m ba kaa sibɛ kusɔ ko a deŋi ewura be lambu na be egbal na be kakpa nɛ b la nɛ efitila bee fulto a yuu kumo so na so. Ewura na gbagba daŋ wu enɔ na ka bee sibɛ.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Ditɛronɔmi 28:67

Kusɔ kama nɛ menyeeŋ wu kenishi so beeŋ shin nɛ men be ŋgbene e baa ku menyi. Kachipurso kikɛ, le nɛ menyeeŋ baa kaŋɛ: “Kanyɛ daŋ biri gba, k bɔ!” Kanyɛ malɛ naŋ biri nɛ men naŋ kaŋɛ le: “Kare daŋ chɛ gba, k bɔ!”

Ditɛronɔmi 32:11

Kananɛ kajɔnɔkoso bee ŋini kumo be bibi kefergi a parga kumo gbagba be aba to a suse bibi na to na, aloŋ nɛ Enyɛnpe Ebɔrɛ na daŋ suse Israɛlebi to nɛ b sa maŋ tɔr.