Aizaaya 21:2 - EBƆRƐ BE KAWƆL

² Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 21:2 ပူးပေါင်းရင်းမြစ်များ

Jɛnesis 10:22

Shɛm be bibinyɛnana nɛ b daa la Elam nɛ Ashuur nɛ Aafaksad nɛ Lud nɛ Mɛsopoteemia na be atre e daŋ ba ki bumo be nnaŋ to ebi be atre.

2 Bewura 17:6

Hoshiya be kuwurji be kafɛ kpanusopo to nɛ Asiriya be ewura kɔ m pɔɔ Samɛria be kade so nseŋ pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nna nseŋ yɛr beko malɛ Gozan be efuli so a mata Lɔr nɛ baa tre Habɔɔ na, nseŋ yɛr beko malɛ Midia be nde to nɛ b ya chena ndoŋ.

Nshɛ 119:158

Ŋ kishi basa kama nɛ b maŋ kɔ yirda n sa fo, ŋkpal manɛ so, b maa wora fo mbraana kasonu.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 25:3

Esa kama nɛ mbe tama deŋ fo so maaŋ ji anishinyɔr kikɛ. Ama bekama nɛ b kɔ kebɔrkɔnshi bre beeŋ ji anishinyɔr.

Nshɛ 60:3

Fo shin nɛ saŋɛ kpakpaso tu fo basa, nɛ afu bee ber anyi nɛ anyee lente.

Nshɛ 79:11

Kaŋ kusoe n nu basa nɛ b wɔ kabuti to be kushu. Ta fo eleŋgboŋ na n sɔ basa nɛ baa shin nɛ b mɔ na n yige.

Aŋasa 13:15

Esa nɛ e bee nase asheŋ amo be edesekpa bee nya kemaŋkura nna, ama esa nɛ e paŋ lakal bre wɔ ekpa nɛ k bee yɔ kemur to so nna.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 14:4

E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Aizaaya 14:7

Naniere durnya na kikɛ nya ewushi nɛ kayurwushi, nɛ ekama bee boŋ nshɛ kagbene fuli so.

Aizaaya 22:6

Benapo shi Elam be kasawule so ŋ keta bumo be ata nɛ atanyembi nseŋ dii egbaŋɛ nɛ beko malɛ shi Kir be kasawule so ŋ keta bumo be abɛlso be asɔ kuŋamuso m ba.

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Jɛremaya 45:3

E yɛ: “Baruk, fee kaŋɛ le: ‘M maaŋ naŋ wora shɛŋ! Enyɛnpe Ebɔrɛ na shin nɛ ma etɔrɔbi naŋ ti so nna. M baŋ shu nna n ya gben. M maaŋ naŋ tiŋ n shu gba!’

Jɛremaya 49:34

Zɛdikaya ka ji Juda be efuli so be kuwura, k maŋ chɛr ko nɛ Enyɛnpetale Ebɔrɛ na malga ma kutɔ a laŋɛ Elam be efuli be kaplɛa so.

Jɛremaya 49:35

E yɛ: “Meeŋ shin nɛ b mɔ basa nɛ b ta ata ŋ kɔ n shin nɛ Elam be efuli na nya eleŋ ga na.

Jɛremaya 50:14

Menyi basa nɛ men kɔ ata a kɔ na, e ba bɛ abar so ŋ kulti Babilɔn n wɔtɔ. Men to menyi be atanyembi kikɛ n wɔtɔ Babilɔn to, ŋkpal manɛ so, k wora kulubi n da ma, Enyɛnpe Ebɔrɛ na so nna.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Nfabel 1:22

Sa maŋ kplaŋ bumo be asheŋ lubi so n shin nɛ b nya bumo be amu n ji. Kananɛ fo baŋ gberge anyi kusoe ŋkpal anyi be alubi so na, gberge bumo alɛ gba kusoe ŋkpal bumo be alubi so. Anyee munto a shu kagbenejijaso nna. Anyi be tama kikɛ loge.”

Danɛl 5:28

Kebarga to na malɛ bee ŋini nna fanɛ b barga fo kuwurji na to n sa Mɛdiebi nɛ Pɛshiyaebi.”

Danɛl 5:9

Nɛ ewura Bɛlshaaza be kagbene naŋ jija mo ga n ti so nɛ mbe anishito ki foleebi nɛ mo kikɛ kilgi n fuli. Mbe bewurbi gba maŋ naa nyi kusɔ nɛ baaŋ wora.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Danɛl 8:20

Kpakpa nɛ k kɔ alambɛ anyɔ na yili nna a sa Midia nɛ Pɛshiya be efuli so be bewura.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

1 Samuɛl 24:13

Dra kikɛ nɛ baa bɔ keŋasa a kaŋɛ fanɛ: ‘Basa lubi e naa wora kulubi.’ Amoso ma ere maaŋ wora fo kulubi kikɛ.