Aizaaya 20:4 - EBƆRƐ BE KAWƆL

⁴ Asiriya be ewurgboŋ na beeŋ delge basa nɛ e beeŋ pɛ kena to ashi efuli anyɔ na so n shin nɛ b nite aya fuloŋ n yɔ kenyaya to. Mbifɔlbi nɛ benimu kikɛ nɛ e beeŋ delge so n shin nɛ bumo be aperbi e baa dese, nɛ Ijiptebi e ŋaba.

Aizaaya 20:4 ပူးပေါင်းရင်းမြစ်များ

2 Samuɛl 10:4

Ndoŋ nna nɛ Hanuun pɛ Deevid be mbɔ na n she bumo be ntɔl be mba nseŋ naŋ ku bumo be epiŋi malɛ be aya ase n ya fo bumo be nshɛr to a ŋini fanɛ b sipa bumo alegaiso nseŋ yige bumo nɛ b choŋ.

1 Kronikɛls 19:4

Ndoŋ nna nɛ Hanuun shin nɛ b pɛ Deevid be mbɔ na n she bumo be ntɔl nseŋ ku bumo be epiŋi be aya ase n ya fo bumo be nshɛr to nseŋ yige bumo nɛ b choŋ.

Aizaaya 19:4

Ma alɛ kraa beeŋ shin nɛ ewura nɛ e maa wu kuwɔr nsaa kute a wɔtɔ basa ebesa to na e ji kuwura bumo so. Ma, Enyɛnpetale Ebɔrɛ na e kaŋɛ na.”

Aizaaya 3:17

Amoso ma, Enyɛnpe Ebɔrɛ na beeŋ gberge bumo kusoe nseŋ she bumo be amu kɔlikɔli.”

Aizaaya 31:2

Enyɛnpe Ebɔrɛ na malɛ nyi kusɔ nɛ e bee wora! Mo e naa sa ekpa nɛ jɛrbi bee ba. Kusɔ kama nɛ e kaŋɛ, kumo nɛ e bee wora. Mo e naa gberge basa lubi nɛ bumo be bekumpo kikɛ kusoe.

Aizaaya 31:3

Ijiptebi na maŋ la Ebɔrɛ, edimɛdi e la bumo. Bumo be egbaŋɛ gba maŋ la kiyoyu to be asɔ nɛ a beeŋ baa wɔtɔ mbaanaayɔ. Enyɛnpe Ebɔrɛ baaŋ ŋini mbe eleŋgboŋ, efuli lempo bee mur nna nɛ efuli pɔso nɛ k bee chɛ to na e tɔr. Saŋɛ na so nɛ efuli anyɔ na kikɛ e mur.

Aizaaya 47:2

Men fara a shuŋ kushuŋ nɛ men maŋ naŋ shuŋ ŋ ku so nseŋ ta kuboo a kɔr ayu! Men deŋi men be eshata na n nase nseŋ gbaŋ menyi be asɔbuuso lela na n lɛ! Nɛ menyee sha kenite nchu to n dii kabombi, men koli ewajɛ nɛ men dela na nɛ men be abembi e dese, pɔɛŋ nɛ men nya n nite nchu na to n choŋ.

Aizaaya 47:3

Basa beeŋ wu men be kesaria nseŋ wu kananɛ men ba kaseto n ji anishinyɔr. Meeŋ gberge Babilɔn be basa kikɛ kusoe ŋkpal bumo be alubi so, nɛ esa kikɛ maaŋ tiŋ ŋ kuŋ ma ekpa.”

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Jɛremaya 13:26

Enyɛnpe Ebɔrɛ na gbagba e naŋ delge fo so n shin nɛ fo ji anishinyɔr.

Jɛremaya 46:19

Ijipt be basa, men bela ase n wora shiriya; bedoŋ beeŋ ba pɛ menyi n yɔ kenyaya to. Menyi be kadegboŋ nɛ baa tre Mɛmfis na beeŋ bure a dese fuloŋ nɛ esa kikɛ maaŋ naa wɔ kumo to.

Jɛremaya 46:26

Meeŋ ta bumo m bɔɔ ewura Nebukadneeza nɛ mbe benapo enɔ. Ama mee nase kɔnɔ nna fanɛ, kachako Ijipt beeŋ naŋ nya basa nɛ b chena nfe fanɛ kananɛ k daa du na. Ma, Enyɛnpe Ebɔrɛ e kaŋɛ na.”

Ezikɛl 30:18

Jemanɛ nɛ meeŋ jija Ijipt be eleŋ nɛ baa puchi so nseŋ shin nɛ k ba ekar na, tentembiri beeŋ tɔr kadegboŋ nɛ baa tre Taapanes na so. Kuwɔlpa beeŋ buu Ijipt be efuli na so nɛ b pɛ kumo be ndegboŋ to be basa ŋ ki anya.

Eemɔs 9:7

Le nɛ Enyɛnpe Ebɔrɛ na bee kaŋɛ: “Kananɛ m baa fɛ menyi Israɛl be basa be asheŋ na, loŋ koŋwule na nɛ mee fɛ Itiopia be basa gba be asheŋ. Mannɛ ma e lara Filistiebi na ashi Kreet be kasawule nɛ nchu kulti n wɔtɔ na, nɛ Siriyaebi ashi Kiir fanɛ kananɛ n lara menyi ashi Ijipt be efuli so dra dra na a?

Maika 1:11

Menyi Shafir nɛ Zaanan be nde to ebi e delgeso nseŋ ta anishinyɔr n shile n yɔ efuli pɔtɛ so. Basa nɛ b wɔ kadegboŋ nɛ baa tre Zaanan na maaŋ shuli n lar bumo be kade na to. Betezel be kade to ebi bee shu nna ŋkpal kusɔ nɛ k bee kuŋ kumo na ka maŋ naa wɔtɔ so.

Nahum 3:10

Ama bedoŋ daŋ ba kɔ Tebes nseŋ pɛ kumo be basa n yɔ efuli pɔtɛ so. B daŋ mɔ bumo be mbia nna n nase agbembi so be kukɔlɔ kama so. B daŋ to beri nna m barga bumo be benimugboŋ nɛ b ta ŋgbɛlɛbi ŋ kre na to n sa abar.

Zefanaiya 2:12

Enyɛnpe Ebɔrɛ na be tokobi na beeŋ mɔ Itiopia be basa gba.

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.