Aizaaya 20:3 - EBƆRƐ BE KAWƆL

³ B ka kɔ n sɔ Ashdɔd be kadegboŋ n loge na nɛ Enyɛnpe Ebɔrɛ na kaŋɛ le: “Nfɛ nsa nna na nɛ ma keyɛrbi Aizaaya delge so a nite aya fuloŋ. Kusɔ nɛ k beeŋ wora Ijipt nɛ Itiopia nna na.

Aizaaya 20:3 ပူးပေါင်းရင်းမြစ်များ

Aizaaya 19:4

Ma alɛ kraa beeŋ shin nɛ ewura nɛ e maa wu kuwɔr nsaa kute a wɔtɔ basa ebesa to na e ji kuwura bumo so. Ma, Enyɛnpetale Ebɔrɛ na e kaŋɛ na.”

Aizaaya 37:9

Loŋ be jemanɛ na gbagba nɛ Asiriya be ewurgboŋ, Sennakerɛb, nu fanɛ Itiopia be ewura, Tɛhaka wɔ ekpa to a ba nɛ e ba kɔ mo kena. Ndoŋ nna nɛ ewurgboŋ Sennakerɛb shuŋi mbɔ fanɛ b ta kawɔlbi ko n ya sa Juda be ewura, Hɛzekaya.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Jɛremaya 13:1

Ade be kaman nɛ Enyɛnpe Ebɔrɛ na kaŋɛ ma fanɛ n ya tɔ wajɛchɛbi lela be dɔkɔri n dela. Kumo be kaman nɛ e naŋ kaŋɛ ma fanɛ n sa maŋ kaŋ ta kumo n wɔtɔ nchu to.

Ezikɛl 12:6

Shin nɛ b baa keni fo nɛ fo ta fo adiiku na n di keba nseŋ ta kusɔ m buu fo anishi so n lar n luri tentembiri to a yɔ, saŋɛ na so fo maaŋ wu m pin kakpa nɛ fee yɔ na. Kusɔ nɛ feeŋ wora na beeŋ baa la kusoe kpele n sa Israɛl be basa na.”

Ezikɛl 30:4

Kena beeŋ ku Ijipt be efuli so; Nɛ kagbenejija damta e tɔr Itiopia be basa so. Basa damta beeŋ wu ashi Ijipt to; Nɛ b suge efuli na so be asɔ kikɛ Nseŋ ka kumo kelambure n nase.

Ezikɛl 30:6

Kede be kaman nɛ Enyɛnpe Ebɔrɛ na naŋ kaŋɛ le: “Bekama nɛ baa kɔ a sa Ijipt na beeŋ yili kade nɛ baa tre Migdɔl nɛ k wɔ kelargato be esoso na m ba choŋ kumo nɛ baa tre Aswan nɛ k wɔ kelargato be kaseto na n wu kena to nɛ benapo nɛ baa puchi so na kikɛ e mur. Ma Enyɛnpetale Ebɔrɛ na e kaŋɛ.

Ezikɛl 4:1

Nɛ Ebɔrɛ kaŋɛ le: “Dimɛdi pibi Ezikɛl, ta ebɔ be kuboo paŋgelambi n nase fo anishito nseŋ wora kadegboŋ nɛ baa tre Jerusalɛm na be foto n deŋi kumo so.

Ezikɛl 4:3

Ade kikɛ be kaman nɛ fo ta kebɛlso paŋgelambi ŋ kuŋ fo nɛ foto nɛ fo wora n deŋi kuboo na so na be nferinto fanɛ kebɛlso be egbal na, nseŋ kilgi fo anishito n shoŋi kebɛlso paŋgelambi na, nɛ k duli fanɛ fo kre kena nna ŋ kulti kade na n wɔtɔ. Kede beeŋ ba la tɔɔnɛ n sa Israɛl be basa na.

Zefanaiya 2:12

Enyɛnpe Ebɔrɛ na be tokobi na beeŋ mɔ Itiopia be basa gba.

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

Nɔmbɛs 14:34

Ŋkpal men ka ta nchɛ adena n dara efuli na so, menyeeŋ nite a kilgi to keshishɛrsawule ere so nfɛ adena. Kafɛ koŋwule kikɛ bee yili nna a sa kachɛ koŋwule. Ndoŋ nɛ menyeeŋ pin kananɛ ma kekilgi ŋ kɔ esa du.