Aizaaya 20:2 - EBƆRƐ BE KAWƆL

² Nfɛ asa pɔɛŋ nɛ loŋ wora na, Enyɛnpe Ebɔrɛ na daŋ kaŋɛ Aizaaya nɛ e la Amɔz pibinyɛn na nna fanɛ e gbaŋ mbe asɛbta nɛ keeli be kusɔbuuso nɛ e daŋ buu na n nase. Ndoŋ nna nɛ e wora kasonu nseŋ gbaŋ amo kikɛ n nase nseŋ delge so a nite aya fuloŋ.

Aizaaya 20:2 ပူးပေါင်းရင်းမြစ်များ

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 6:20

B ka loge nɛ Deevid bee ba laŋ to nɛ e ba chɔrɔ mbe kanaŋ, nɛ Sɔɔl pibiche Mikaal shɛr Deevid to ŋ kaŋɛ mo le: “Kabre Israɛl malɛ be ewura nase ketande bre! Mbe beyaasepo be mbita be anishito nɛ e delgeso fanɛ ewulpo!”

2 Bewura 1:8

Nɛ b yɛ: “E daŋ buu piŋi nɛ b ta asɔbɔya be kawɔl n lɔŋɛ nna nseŋ ta kawɔl be kreso ŋ kreto.” Ndoŋ nna nɛ ewura na kaŋɛ le: “Kumo ere Elaija nna na!”

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 37:2

Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Ezikɛl 24:23

Menyi alɛ maaŋ shɛŋi menyi be eneemu ashi menyi be amu so ŋko n lara asɛbta menyi be aya to nsaa nite aya fuloŋ. Ade kikɛ be kaman, menyi maaŋ wora kuwɔrsheŋ ŋko n shu nɛ anishichubi e lar, ama menyi be asheŋ lubi so menyeeŋ foe eyur to nsaa nite a kulti a shu epun to.

Ezikɛl 4:1

Nɛ Ebɔrɛ kaŋɛ le: “Dimɛdi pibi Ezikɛl, ta ebɔ be kuboo paŋgelambi n nase fo anishito nseŋ wora kadegboŋ nɛ baa tre Jerusalɛm na be foto n deŋi kumo so.

Maika 1:11

Menyi Shafir nɛ Zaanan be nde to ebi e delgeso nseŋ ta anishinyɔr n shile n yɔ efuli pɔtɛ so. Basa nɛ b wɔ kadegboŋ nɛ baa tre Zaanan na maaŋ shuli n lar bumo be kade na to. Betezel be kade to ebi bee shu nna ŋkpal kusɔ nɛ k bee kuŋ kumo na ka maŋ naa wɔtɔ so.

Maika 1:8

“Ŋkpal ade kikɛ so, ma Maika beeŋ boŋto a shu nseŋ buu asɔfarbi a na aya fuloŋ. Meeŋ shu fanɛ kuntuŋ na nseŋ boŋto fanɛ tayetaye.

Zakareya 13:4

Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 3:4

Nyɔma be afuibi be kusɔbuuso nɛ Jɔn daŋ buu ŋ kre kawɔl be kreso kashɛr to. Elotɔr nɛ mushoŋ nɛ e daa ji.

Baru lela nɛ Jɔn kute na 21:7

Ndoŋ nna nɛ ebɛsopo nɛ Yesu daa sha na kaŋɛ Pita: “Enyɛnpe nna.” Saimɔn Pita ka baŋ nu fanɛ Enyɛnpe nna nɛ e ta mbe kusɔbuuso m mea to, ŋkpal manɛ so, e daŋ lara kumo nna n nase nseŋ tɛ n luri nchu na to.

Ashuŋ Shunso 19:16

Ndoŋ nna nɛ kanyɛn nɛ kiyoyu lubi na wɔ mo to na nyaŋɛ to m buu bumo n doro bumo nseŋ kpɛa bumo be asɔbuuso to n lɛ nɛ b lar mbe kowu na to n delge so n shile n choŋ.

Ashuŋ Shunso 21:11

E ka ba anyi kutɔ nɛ e ba ta Pɔɔl be kreso ŋ kre mo gbagba be aya nɛ enɔana nseŋ kaŋɛ: “Le nɛ Kiyoyu Cheeŋ na kaŋɛ: ‘Le nɛ Jerusalɛm to be Juwebi na beeŋ kre kreso ere wura nseŋ ta mo m bɔɔ nnyamase enɔ.’ ”

Joshuwa 5:15

Nɛ Enyɛnpe Ebɔrɛ be benapo be enimu na kaŋɛ mo le: “Lara fo asɛbta na ŋkpal manɛ so kasawule cheembi so nɛ fo yil na.” Nɛ Joshuwa wora kusɔ nɛ e kaŋɛ mo na gbagba.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

1 Samuɛl 19:24

Sɔɔl daŋ yili Samuɛl gba be anishito n wu abɔrɛsheŋ ŋ kaŋɛ hale ŋ gbaŋ mbe epiŋi n le. Yili kachipurso kikɛ nɛ e daŋ baŋ delgeso n tɔr a dese Samuɛl be anishito hale n ya fo kanyɛso. Kananɛ k ji nna nɛ basa bee bishi le na: “Sɔɔl gba naŋ ki anebi nna a?”