Aizaaya 2:8 - EBƆRƐ BE KAWƆL

⁸ B daa shuŋ agbirana nɛ bumo gbagba lɔŋɛ ashi efuli na be kaplɛkama nna.

Aizaaya 2:8 ပူးပေါင်းရင်းမြစ်များ

1 Bewura 16:7

Anebi Jehu so nɛ Enyɛnpe Ebɔrɛ bɔla n fiɛ ewura Baasha nɛ mbe kanaŋ so, ŋkpal alubi nɛ ewura Baasha daŋ wora ŋ gbiti Enyɛnpe Ebɔrɛ na fanɛ kananɛ ewura Jeroboam daŋ wora na, nɛ ŋkpal e ka mɔ Jeroboam be kanaŋ kikɛ na so nɛ Enyɛnpe Ebɔrɛ be agbo daŋ kaa ga na.

2 Bewura 17:10

B daŋ ta ajembu nna m pɔr agbir nɛ kegbirche Ashira be kapɔrduli n yili abee so nɛ ndibi be afito a shuŋ amo.

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Kronikɛls 27:2

Kananɛ mo tuto ewura Uziya daŋ wora Enyɛnpe Ebɔrɛ be aparsheŋ na, gbagba na chap nɛ mo alɛ gba daŋ wora; ama mo ere daa maŋ wora kulubi n chɔɔ duwu bɔrɛlambu to. Basa na bre daa wɔtɔ nna a wora alubi a ti so saŋkama.

Aizaaya 17:8

B maaŋ naŋ ta bumo be yirda n deŋi agbirsure nɛ bumo gbagba pɔr na ŋko ndibi tenteŋ nɛ b yuu kakpa nɛ baa shuŋ kegbir cheso nɛ baa tre Ashira na, nsaa chɔɔ eduwu agbirsure so ndoŋ na so.

Aizaaya 26:13

Beko gba daŋ ji kuwura anyi so n ti fo, Enyɛnpe anyi be Ebɔrɛ na so, ama fo nawule nɛ anyee wora kasonu.

Aizaaya 37:19

Bumo alɛ daŋ naŋ chɔɔ efuliana na be agbirana nɛ b ta ndibi nɛ ajembu n lɔŋɛ a shuŋ nna.

Aizaaya 40:19

E maŋ du fanɛ kegbir nɛ dimɛdi lɔŋɛ na nna, ŋko kegbir nɛ bɔyɛpo ŋalga shuwa ŋ gbiti nseŋ ta gbiti be kubɔtoshembi n ji kumo kebita na nna.

Aizaaya 41:29

Agbirana ere kikɛ du jiga pasaa! B maaŋ tiŋ n wora shɛŋ, Bumo alɛ kikɛ maŋ kɔ eleŋ.”

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 2:28

Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Hoziya 12:11

Ade kikɛ be kaman nɛ b kraa shuŋ agbir ashi Giliad. Basa nɛ bumo alɛ bee shuŋ agbir na beeŋ wu. B ta egbolu n lara sarga ashi Gilgaal. Ndoŋ be ebɔrɛsure malɛ beeŋ bure to ŋ ki ajembu n deŋi abar so kululu ashi kupuŋ to.”

Hoziya 13:2

B daa wɔtɔ nna a wora alubi nsaa ta gbiti a lɔŋɛ agbir nɛ a duli anabi nna. Le nɛ b daa kaŋɛ: “Men lara sarga n sa agbir na.” Nuso malɛ nɛ esa beeŋ tiŋ n bunyaŋ agbir nɛ a du fanɛ anabi ere kashaso!

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Hoziya 8:6

Israɛl be esa nɛ e nyi enɔ to be kushuŋ e daŋ lɔŋɛ kegbir na, ama kumo alɛ maŋ la ma Enyɛnpe Ebɔrɛ na! Amoso k beeŋ buri to le kpachɛrkpachɛrbi.

Maika 5:12

Meeŋ naŋ jija kegba be adur nɛ men kɔ na nɛ men maaŋ naa tiŋ a to abar akprambi ashi menyi be kasawule so.

Ashuŋ Shunso 17:16

Pɔɔl ka wɔ Atens a jo Sailas nɛ Timoti nseŋ wu kananɛ agbir bɔlɔ kade na to nɛ mbe kagbene jija mo ga.

Ditɛronɔmi 4:28

Menyi alɛ beeŋ ya shuŋ agbir nɛ edimɛdi ta ndibi nɛ ajembu n lɔŋɛ ashi efuli pɔtɛana na so ndoŋ. Amo alɛ maŋ la shɛŋ, a maa wu ŋko a nu ŋko a ji ajibi ŋko a nu efɛa.

Kelaraŋŋini 9:20

Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.