Aizaaya 2:7 - EBƆRƐ BE KAWƆL

⁷ Bumo be kasawule so kɔ shuwa nɛ gbiti ga, nɛ bumo alɛ daa kɔ asɔ lela ga bumo be ekpanjawu to. Egbaŋɛ daa shi kasawule na so ga nɛ esa maŋ tiŋ ŋ karga amo. Bumo be egbaŋɛturko malɛ gba daa maa kɔ kɔnɔ.

Aizaaya 2:7 ပူးပေါင်းရင်းမြစ်များ

1 Bewura 4:26

Ewura Sɔlɔmɔn be egbaŋɛ nɛ baa gberge egbaŋɛturko na daa wɔ aluu ŋgboŋ adena nɛ mbe egbaŋɛ nɛ baa dii a kɔ kena malɛ daa wɔ ŋgboŋ kuduanyɔ.

Job be kawɔl 3:15

Ndoŋ nɛ meeŋ ya dese a di fanɛ bewura nɛ b daŋ gbare eshuwa nɛ egbiti m bɔlɔ nwu,

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Aizaaya 30:16

Kusɔ nɛ menyee fɛ e la fanɛ menyeeŋ dii egbaŋɛ shileso n shile m mɔlga menyi be amu ŋkpal men doŋana so. Menyee fɛ fanɛ menyi be egbaŋɛ beeŋ tiŋ n shile ga ama bumo nɛ baa ju a buu menyi so na peya beeŋ shile a chɔ bumo nɛ b pɛ menyi.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 57:17

N daŋ nya agbo ga nna n wora bumo ŋkpal bumo be alubi nɛ kejimuni be kebaawɔtɔ so, amoso nɛ n daŋ gberge bumo kusoe nseŋ daŋ kplaŋ bumo so na. Ama b kraŋ wora kusoe kpakpaso ŋ kini a wɔ bumo be asheŋ lubi na to.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Maika 5:10

Enyɛnpe Ebɔrɛ na yɛ: “Jemanɛ na kaŋ fo, meeŋ suge menyi be egbaŋɛ nseŋ mur menyi be egbaŋɛturko.

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”