Aizaaya 2:5 - EBƆRƐ BE KAWƆL

⁵ Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 2:5 ပူးပေါင်းရင်းမြစ်များ

Nshɛ 36:10

Enyɛnpe Ebɔrɛ, baa ŋini bekama nɛ b nyi fo na kasha saŋkama; nsaa wora bumo nɛ baa wora asheŋ niŋiso na kelela.

Nshɛ 89:15

O Enyɛnpe Ebɔrɛ, kagbenefuli la bekama nɛ baa bugi ŋgbene to a bunyaŋ fo nsaa wɔ fo kefultogboŋ na to na peya nna.

Nshɛ 89:16

Baa ji eyur nna ashi fo ketre to karechɛ lelemu kikɛ, nsaa kpaŋ fo ŋkpal fo alelasheŋ so.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

1 Jɔn 1:5

Baru mo nɛ an nu ashi Ebɔrɛ Pibinyɛn na kutɔ nsaa bɔ kumo a sa menyi na nde fanɛ Ebɔrɛ la kefulto nna nɛ tentembiri malɛ kikɛ maŋ wɔ mo to kuraa.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.