Aizaaya 2:22 - EBƆRƐ BE KAWƆL

²² Men yige kebaata yirda a wɔtɔ dimɛdi be eleŋ to. Dimɛdi kikɛ beeŋ wu. Amoso dimɛdi maaŋ tiŋ n chɛ menyi to?

Aizaaya 2:22 ပူးပေါင်းရင်းမြစ်များ

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 7:22

Kusɔ futeso kama nyam nɛ k daa wɔ kasawule so daŋ wu nna.

Job be kawɔl 27:3

Ŋ ka baa wɔ ŋkpa to nseŋ kraa kɔ efute nɛ Ebɔrɛ sa ma ere,

Nshɛ 146:3

Men sa maŋ ta menyi be yirda n wɔtɔ edimɛdi be bejuŋkparpo to. Dimɛdi bomin kikɛ maaŋ tiŋ m mɔlga esa.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Nshɛ 8:4

kusɔ nɛ mee bishi e la fanɛ: “Manɛ bre e baa la dimɛdi nɛ mbe asheŋ tir fo, nɛ fee fɛ mbe asheŋ loŋ?”

Aizaaya 40:15

Efuliana na maŋ la shɛŋ Enyɛnpe Ebɔrɛ bre kutɔ, a du fanɛ nchu ka do bokiti nɛ nchu to nna; ŋko kalabɛr nɛ a deŋ kusɔ nɛ b kɔ a karga asɔ be egbɛ so nna. Aplasawule nɛ e wɔ kufɔ kufɔ na kikɛ du fanɛ enɔ be bɔlɔ be eshishɛr nna.

Aizaaya 40:17

Efuliana na kikɛ maŋ la shɛŋ n sa Ebɔrɛ, mo ere bee ta amo nna fanɛ asɔ fuloŋ.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Jɛremaya 17:5

Kumo be kaman nɛ Enyɛnpe Ebɔrɛ na kaŋɛ le: “Meeŋ shoduu bekama nɛ b pal kaman n sa ma nseŋ ta bumo be yirda n deŋi edimɛdi nɛ bumo be eleŋ so.

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.