Aizaaya 2:20 - EBƆRƐ BE KAWƆL

²⁰ Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Aizaaya 2:20 ပူးပေါင်းရင်းမြစ်များ

Jɛnesis 35:4

Jeekɔb ka malga loŋ n loge nɛ b ta bumo be agbirana na kikɛ nɛ bumo be akondeana kikɛ n sa mo nɛ e ta amo m puli Shɛkɛm be kedibigboŋ na ase.

Kaŋinichiŋgeliŋ 3:6

Mo e naa yili saŋɛ nɛ k daga dimɛdi ka fin nɛ saŋɛ nɛ k daga dimɛdi ka yige kafin, Mo e naa yili saŋɛ nɛ k daga keta asɔ n yili nɛ saŋɛ nɛ k daga keta asɔ n lɛ,

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 17:8

B maaŋ naŋ ta bumo be yirda n deŋi agbirsure nɛ bumo gbagba pɔr na ŋko ndibi tenteŋ nɛ b yuu kakpa nɛ baa shuŋ kegbir cheso nɛ baa tre Ashira na, nsaa chɔɔ eduwu agbirsure so ndoŋ na so.

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 31:7

Jemanɛ ko bee ba nɛ menyi kikɛ e ta agbir nɛ men ta shuwa nɛ gbiti n lɔŋɛ nseŋ bɔla amo so n wora alubi n da ma so na n lɛ.

Aizaaya 40:19

E maŋ du fanɛ kegbir nɛ dimɛdi lɔŋɛ na nna, ŋko kegbir nɛ bɔyɛpo ŋalga shuwa ŋ gbiti nseŋ ta gbiti be kubɔtoshembi n ji kumo kebita na nna.

Aizaaya 46:1

“Babilɔn be efuli so be agbirana be eleŋ fo ekar! Jemanɛ ko Babilɔn ebi daa shuŋ agbir nɛ baa tre Bɛl nɛ Nebo na nna. Ama naniere amo nɛ b bela n deŋi ekurma so, nɛ a ki esulɔ a deŋ asɔbɔya nɛ a gben be mman na.

Aizaaya 46:6

Basa ko bee ber ebɔyɛpo paa nna, a sa bumo shuwa nɛ gbiti fanɛ b lɔŋɛ agbirana n sa bumo nɛ b baa shuŋ amo.

Ezikɛl 14:6

Amoso, Ezikɛl, kaŋɛ Israɛl be basa na kikɛ kusɔ nɛ ma Enyɛnpetale Ebɔrɛ na kaŋɛ. Kumo e la fanɛ b tuba nseŋ yige bumo be agbirana nɛ amo be asheŋ bee nu agbo nɛ menyi be ekishisheŋ na!

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 7:19

Baaŋ ta bumo be shuwa nɛ gbiti n lɛ agbembi so fanɛ asɔ jiga na, ŋkpal manɛ so, shuwa nɛ gbiti na maaŋ tiŋ m mɔlga bumo jemanɛ nɛ Enyɛnpe Ebɔrɛ na be agbo beeŋ ba bumo so na. B maaŋ naŋ tiŋ n ta amo n tɔ ajibi gba n ji. Ŋkpal manɛ so, shuwa nɛ gbiti na e shin nɛ b tɔr kulubi to.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Luuk 23:30

Saŋɛ na so baaŋ fara a kule abeegboŋ nɛ abeebi fanɛ a ka la enyiŋgbasa na ŋ kaŋɛ abeegboŋ le: ‘Men tɔr anyi so’, nseŋ kaŋɛ abeebi malɛ: ‘Men buu anyi so.’