Aizaaya 2:2 - EBƆRƐ BE KAWƆL

² Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 2:2 ပူးပေါင်းရင်းမြစ်များ

Jɛnesis 49:1

Kachako nɛ Jeekɔb kaŋɛ mbe bibinyɛnana na le: “Men gbargbar abar m ba ma anishito nɛ ŋ kaŋɛ menyi kusɔ nɛ k beeŋ nya menyi echefoso be asheŋ.

Job be kawɔl 19:25

N nyi ma emɔlgapo Ebɔrɛ na ka wɔ ebɔrɛso, nɛ asheŋ ere kikɛ be lalaloge e beeŋ gbelge m ba durnya to m ba mɔlga ma.

Nshɛ 102:23

Kebifɔlbi e kraa la ma, ama Enyɛnpe Ebɔrɛ na shin nɛ ŋ ki esa pɔso nɛ ma nchɛ duga so.

Nshɛ 2:8

Amoso kule ma, nɛ n ta efuliana ere kikɛ n sa fo; nseŋ shin nɛ durnya ere kikɛ e ki feya.

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 22:28

Ŋkpal manɛ so Enyɛnpe Ebɔrɛ e naa ji kusɔ kama so eleŋ, nsaa ji efuliana kikɛ so kuwura.

Nshɛ 48:2

Mbe kebeegboŋ cheembi na du jeŋgreŋ nna nsaa walɛ. Nɛ Ebɔrɛ Ewurgboŋ nɛ e wɔ kumo so na bee sa durnya to be basa kikɛ kagbenefuli.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Nshɛ 87:1

Enyɛnpe Ebɔrɛ na pɔr mbe kadegboŋ n yili kebee cheembi na so nna.

Nshɛ 87:2

Mo alɛ bee sha kadegboŋ na a chɔ kade kikɛ ashi Israɛl be efuli na kikɛ so.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 56:5

kumo ere baaŋ baa nyiŋi fo ketre ma bɔrɛlambu to nɛ ma basa to n chɛr a chɔ fo ka beeŋ baa kɔ mbia gba. Basa maaŋ teŋ fo so kikɛ.”

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Aizaaya 60:3

Efuli pɔtɛana be basa nɛ bewura kikɛ beeŋ ba menyi be karechɛ popɔr na be kefulto to.

Aizaaya 65:11

Ama asheŋ maaŋ baa du loŋ n sa menyi nɛ men kini ma nɛ ma kebee cheembi nɛ baa tre Zayɔn na nsaa shuŋ agbir nɛ baa tre Gad nɛ Meni na. Amo be afito la Kumulela nɛ Kela m ba.

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Aizaaya 66:23

Kufɔl popɔr be kejigboŋ kikɛ be jemanɛ nɛ kewushiachɛ kikɛ nɛ men gama a shuŋ ma, efuli pɔtɛana so be basa gba beeŋ ba shuŋ ma ashi Jerusalɛm to.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 23:20

Kumo alɛ maaŋ yige n ya fo fanɛ e ka beeŋ wora kusɔ kama nɛ e kre kewora na nna. Kachako bee ba nɛ ma basa e pin ade kikɛ ere to nɛnɛ.”

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Jɛremaya 48:47

Ama kachako, ma, Enyɛnpe Ebɔrɛ na beeŋ naŋ bɛta Mowab be basa m ba nɛ b naŋ dii kedama. Ma, Enyɛnpe Ebɔrɛ e kaŋɛ na.

Jɛremaya 49:39

Ama kachako meeŋ naŋ bɛta Elam be basa m ba bumo be kasawule so nɛ b naŋ dii kedama. Ma, Enyɛnpe Ebɔrɛ e kaŋɛ na.”

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 40:2

Ndoŋ nna nɛ ŋ ku bɔrɛdare n wu fanɛ Ebɔrɛ ka keta ma n yɔ Israɛl be kasawule so n ya yili kebee jeŋgreŋ ko so nɛ ŋ keni kelargato be kaseto be kaba so n wu nwu damta ko nɛ a duli fanɛ kadegboŋ na.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 2:35

Epul na to nɛ kebɛlso na nɛ ebɔ na, nɛ danyaŋ na, nɛ gbiti nɛ shuwa na kikɛ buri to kpachɛrkpachɛrbi ŋ ki fanɛ gbaŋgbaŋ to be kugooro so be shishɛr na. Nɛ afu ba ta amo kikɛ n choŋ nɛ amo kedodobi gba maŋ ka. Ama kejembu nɛ k ŋmɛa kumo m bure to na bre wora kishi nna hale ŋ ki kebeegboŋ m buu kasawule kikɛ so.

Danɛl 2:45

Fo wu kananɛ kejembu nɛ k maŋ shi dimɛdi be enɔ to shi esoso m ba ŋmɛa kapɔrduli nɛ b ta kebɛlso nɛ danyaŋ nɛ ebɔ nɛ gbiti nɛ shuwa n lɔŋɛ na. Yiramu, Ebɔrɛ lempo na bee kaŋɛ fo kusɔ nɛ k beeŋ wora kachako so nna na. Fo edare nɛ fo ku na nɛ kumo be kifito kikɛ nɛ ŋ kaŋɛ fo na.” Ewura na ka sa Danɛl kakɛ be asheŋ

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.

Zakareya 14:9

Loŋ be jemanɛ na, Enyɛnpe Ebɔrɛ na e naaŋ baa ji durnya kikɛ so kuwura. Mo nawule be ketre nɛ ekama beeŋ baa nyi nsaa bunyaŋ mo nawule fanɛ Ebɔrɛ.

Zakareya 8:22

Basa damta beeŋ shi efuligboŋana so m ba Jerusalɛm to m ba bunyaŋ Enyɛnpetale Ebɔrɛ na nseŋ kule mo fanɛ e nɛfa bumo.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Malakai 3:12

Nɛ efuli kama so ebi e malga kananɛ n nɛfa menyi be asheŋ ŋkpal men be kasawule ka beeŋ baa la kakpa nɛ k daga kechena so.

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Ashuŋ Shunso 2:17

‘Le nɛ meeŋ wora lalaloge be nchɛ na to: Meeŋ shin nɛ ma Kiyoyu e ba basa kikɛ to. Menyi be mbrantiɛbi beeŋ ku bɔrɛdareana nɛ menyi be benyɛnnimu e ku abɔrɛsheŋ be edareana nɛ menyi be mbinyɛnbi nɛ mbichebi e wu abɔrɛsheŋ ŋ kaŋɛ.

2 Timoti 3:1

Baa nyi fanɛ lalaloge be nchɛ na to, tɔrɔ damta beeŋ tɔr basa so.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.