Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaaya 2:19 - EBƆRƐ BE KAWƆL

19 Jemanɛ nɛ Enyɛnpe Ebɔrɛ na beeŋ shin nɛ durnya e gbuŋgbuŋ na, basa beeŋ shile n ya ŋana abeelaŋ to, ŋko n ya kur kasawule n luri to ŋ ŋana, a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

အခန်းကိုကြည့်ပါ။ ကော်ပီ




Aizaaya 2:19
41 ပူးပေါင်းရင်းမြစ်များ  

Bumo be tama loge nɛ b shi bumo be kekuŋ be kumɔlga be kakpa n chicha a ba.


Ebɔrɛ beeŋ tiŋ n shin nɛ kasawule nɛ kumo be gbaltɔlase kikɛ a gbuŋgbuŋ to.


Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.


Kachɛ nɛ ma, Enyɛnpetale Ebɔrɛ na beeŋ ŋini kananɛ ma agbo du na, meeŋ shin nɛ esoso e baga to nɛ kasawule e gbuŋgbuŋ m pulgi ashi kumo be epul to.


Bumo kikɛ beeŋ shile n ya ŋana abeelaŋ to ŋko n ya kur kasawule n luri to a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.


Enyɛnpe Ebɔrɛ na kaŋ ba nɛ e ba gbuŋgbuŋ kasawule na, basa beeŋ shile n ya ŋana amaŋ nɛ abeelaŋ to a fin keŋana Enyɛnpe Ebɔrɛ na be agbo nɛ eleŋgboŋ nɛ kemaŋkura so.


Enyɛnpe Ebɔrɛ na bee sha kejija durnya kikɛ nna nɛ k dese fuloŋ fanɛ kiyitokpaŋ na. E beeŋ melgi durnya na m buu nseŋ pesaŋ kumo be basa to.


Ekama nɛ e wora ania n shile kufugboŋ na beeŋ ya tɔr kemaŋ chiŋgeliŋ to, nɛ emo nɛ e gelge kemaŋ chiŋgeliŋ malɛ e ya tɔr kejigbelɛ to. Bɔrɛchu damta beeŋ shi awɔlpa so m ba kasawule so nɛ durnya be gbaltɔlase e gbuŋgbuŋ to.


Kasawule beeŋ pante m baŋɛ to kaplɛkama.


Enyɛnpe Ebɔrɛ na be basa beeŋ baa laŋ ŋkure nɛ ejaŋjilaŋ a wɔtɔ mo jemanɛ nɛ e bee kɔ nsaa laŋɛ a kɔ Asiriya be basa na.


Ndoŋ nna nɛ Enyɛnpe Ebɔrɛ na kaŋɛ efuli pɔtɛana na le: “Naniere meeŋ wora kusɔ ko ŋ ŋini ma eleŋgboŋ.


Baaŋ mel abar so n sɔ ataŋɛ chiŋgeliŋ to nɛ abeelaŋ to nɛ kupuŋ to kikɛ nɛ asɔbɔya be ejikpa kikɛ so n chena.


Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.


Kade kama to be basa ka baŋ nu egbaŋɛ diipoana nɛ basa nɛ b kɔ ata a kɔ be asheŋ baŋ lara aya fuful n shile. Beko beeŋ shile n yɔ kupo to, nɛ beko malɛ e shile n ya ŋana afaltagboŋ to. Kade kikɛ beeŋ dese fuloŋ, nɛ esa kikɛ maaŋ naa wɔ amo to.


Menyi basa nɛ men wɔ Mowab be efuli so na e lar menyi be ndeana to nseŋ ya kaa wɔ abeelaŋ to fanɛ kananɛ elepɔ bee tɔ asha abeelaŋ to a di to na.


Kaŋɛ bumo fanɛ ŋ ka la Enyɛnpetale Ebɔrɛ nɛ e bee sa ŋkpa so, mee fɛa basa nɛ b kraa wɔ nde bureso na to na so nna nsaa kaŋɛ bumo fanɛ baaŋ wu kena to. Kumo be kaman nɛ kupuŋ to be asɔbɔya lubi e pɛ bumo nɛ b wɔ ndekarso na n we, nɛ kulɔ e mɔ bumo nɛ bumo alɛ ŋana a wɔ abee so nɛ abeelaŋ to na.


Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”


Kumo be kaman nɛ b dese kasawule a gbeye fanɛ awɔ nsaa chicha kufuso a lar mboŋ lempoana nɛ b daa wɔtɔ to na. Bumo alɛ beeŋ kilgi kufuso m bɛta m ba Enyɛnpe Ebɔrɛ na kutɔ.


Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu.


K maaŋ chɛr, meeŋ naŋ gbuŋgbuŋ ebɔrɛso nɛ kasawule so nɛ teku nɛ kasawule wɔlso kikɛ.


Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.


Saŋɛ na so baaŋ fara a kule abeegboŋ nɛ abeebi fanɛ a ka la enyiŋgbasa na ŋ kaŋɛ abeegboŋ le: ‘Men tɔr anyi so’, nseŋ kaŋɛ abeebi malɛ: ‘Men buu anyi so.’


Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.


Le be basa ere kikɛ, durnya be kelela daa maŋ fo bumo peya so, amoso bumo be beko daa na kiyi to nna nɛ abeeana so nɛ abeelaŋana to nɛ amaŋana to nna.


Amo be jemanɛ na mbe ebɔl daŋ gbuŋgbuŋ kasawule nna, ama naniere bre e nase kɔnɔ nna ŋ kaŋɛ le: “Kela koŋwule nɛ meeŋ naŋ gbuŋgbuŋ kasawule, ama mannɛ fanɛ kasawule nawule, meeŋ gbuŋgbuŋ ebɔrɛso gba n ti so.”


Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.


Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.


Ndoŋ nna nɛ bɔrɛ nyɛkpɛ pelpel nseŋ gbri m ponte to n wɔtɔ nɛ kebembeŋgboŋ ko beeŋ kasawule so ga. Dimɛdi ka fara a wɔ kasawule so kikɛ kebembeŋ kama maŋ naŋ lubi fanɛ kumo. Kede e daŋ lubi ga a chɔ kebembeŋ kama.


Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.


Amo be jemanɛ na basa beeŋ fin luwu ŋ gben, baaŋ yɛlga luwu, ama luwu beeŋ shile bumo.


Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;


Ndoŋ nna nɛ b shin nɛ Filistiebi na wu bumo nseŋ kaŋɛ le: “Men keni Israɛlebi na ka lar amaŋ nɛ b daŋ ŋana amo to na a ba.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ