Aizaaya 2:18 - EBƆRƐ BE KAWƆL

¹⁸ Agbirana maaŋ naa wɔtɔ kuraa.

Aizaaya 2:18 ပူးပေါင်းရင်းမြစ်များ

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Aizaaya 46:1

“Babilɔn be efuli so be agbirana be eleŋ fo ekar! Jemanɛ ko Babilɔn ebi daa shuŋ agbir nɛ baa tre Bɛl nɛ Nebo na nna. Ama naniere amo nɛ b bela n deŋi ekurma so, nɛ a ki esulɔ a deŋ asɔbɔya nɛ a gben be mman na.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 51:18

Agbirana na maŋ kɔ tɔnɔ; a daga fanɛ basa e wora amo eyurto nna nseŋ kini amo n lɛ. Amo be kachɛ kaŋ fo, Enyɛnpe Ebɔrɛ na beeŋ mur amo kikɛ.

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 37:23

Bumo alɛ maaŋ naŋ bɔla kagbirshuŋ so n jija bumo be amu ŋko n wora alubi ŋ gbiti bumo be amu. Ma alɛ beeŋ sɔ bumo n yige ashi ekpa kama so nɛ baa bɔla so a wora alubi a debɔr ma na, nseŋ fɔr bumo so, nɛ b baa la ma basa, nɛ ma alɛ e baa la bumo be Ebɔrɛ.

Ezikɛl 6:6

Israɛl be efuli so be nde kikɛ beeŋ mur nɛ bumo be agbirshuŋkpaana kikɛ e bure m bure. Kumo be kaman, nɛ bumo be kusɔ kama e ki fuloŋ.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Maika 1:7

Samɛria to be agbirana kikɛ beeŋ bure to ŋ ki le burburbi. Nɛ edɛ e chɔɔ asɔ kama nɛ agbirlambu to be esakale kɔ na kikɛ. Efuli pɔtɛana so ebi beeŋ sulɔ kumo be agbirana be shuwa nɛ gbiti n ya sa esakale pɔtɛana mboŋ ko.”

Maika 5:13

Ma alɛ beeŋ naŋ mur asɔ nɛ menyee ta a lɔŋɛ agbir a shuŋ na kikɛ, nɛ menyi maaŋ naŋ nya amo a shuŋ.

Zefanaiya 1:3

Ma alɛ beeŋ mur edimɛdi nɛ asɔbɔya nɛ mbuibi nɛ ekɔrɔtɔ kikɛ. Meeŋ bar basa lubi kaseto nseŋ mur nyiŋgbasa kikɛ kasawule ere so. Esa kikɛ maaŋ pete. Ma, Enyɛnpe Ebɔrɛ na e kaŋɛ na.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.