Aizaaya 2:16 - EBƆRƐ BE KAWƆL

¹⁶ Teku so be ekuloŋgboŋ lela kikɛ beeŋ mur nchu to.

Aizaaya 2:16 ပူးပေါင်းရင်းမြစ်များ

1 Bewura 10:22

Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

Nshɛ 47:7

Ŋkpal manɛ so mo, e la durnya kikɛ be ewura nna. Amoso men boŋ nshɛ n di mo epaŋ.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Aizaaya 23:14

Kakpa lempo nɛ k bee kuŋ efuli na kikɛ maŋ naŋ ka a yil, amoso kaŋɛ basa nɛ b wɔ ekuloŋgboŋ nɛ e wɔ teku so na kikɛ fanɛ b baa shu awɔrso kagbenejijaso. Ŋkpal manɛ so, kadegboŋ nɛ baa fute a yige so na kikɛ mur.

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Ezikɛl 27:25

Nchu so be ekuloŋgboŋ gboŋi e daa sulɔ fo asɔ faso a bɛ abar so a yɔ mboŋ nɛ b daa sha a ka yɔ. Fo daa du fanɛ nchu so be ekuloŋ nɛ k deŋ teku so, nɛ asɔ gbɛgbɛso bɔlɔ kumo to nna.

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Kelaraŋŋini 18:11

Kasawule so be yawujipoana malɛ gba beeŋ boŋ to nseŋ shu ŋkpal mo so, ŋkpal esa kikɛ ka maaŋ naŋ tɔ bumo be asɔ so.

Kelaraŋŋini 8:9

Nɛ asɔ keniso mo nɛ a wɔ teku na to na be ntuŋ nsa be katuŋ koŋwuleso wu nɛ ekuloŋgboŋ be ntuŋ nsa be katuŋ koŋwuleso mur.